default_image

2 years ago

July 3, 2023

मन्च अब प्रदेशमा पनि विस्तार गर्न बाटो खुल्यो

202 views

0 Bookmark

काठमाडौं (हाम्रो खेलकुद) – नेपाल खेलकुद पत्रकार मन्च (एनएसजेएफ) अब प्रदेश संरचनामा पनि जाने भएको छ । यसअघि जिल्ला समन्वय शाखाको मान्यता दिदै आएको एनएसजेएफको सोमबार धुलिखेलमा सम्पन्न १८ औं साधारण सभाले अब संघिय ढाँचालाई आत्मसात गर्दै प्रदेशमा पनि जाने सैद्धान्तिक निर्णय गरेको छ ।

तर, प्रदेश सम्वन्वय समिति गठनका लागि एउटा प्रदेशमा कम्तीमा ४ जिल्लामा समन्वय जिल्ला शाखा हुनुपर्नेछ । ४ जिल्ला संघको प्रतिनिधिबाट प्रदेश समन्वय समिति गठन गर्न सकिने भएको छ । संघिय ढाँचामा जानका लागि पूर्व अध्यक्ष निरन्जन राजवंशीको संयोजकत्वमा पूर्व अध्यक्ष अजय फुयाल, महेश आचार्य, उज्ज्वल आचार्य र प्रकाश तिमल्सिनासम्मिलित ५ सदस्यीय विधान संसोधन मस्यौदा समिति सभाले गठन गरेको छ ।

साधारण सभासँगै एनएसजेएफले खेलकुद पत्रकारिता पुनर्ताजगी प्रशिक्षण सन्चालन गरेको थियो । पहिलो दिन आइतबार मल्टिप्ल्याटफर्म जर्नालिजमबारे सिएमआर नेपाल एकेडेमीका डाइरेक्टर उज्वल आचार्यले प्रशिक्षण दिए । प्रशिक्षणमा ६४ जना खेल पत्रकारको सहभागिता रहेको मन्चले जनाएको छ । प्रशिक्षण कार्यक्रममा राष्ट्रिय खेलकुद परिषद् (राखेप), केटिएम सिटी र प्रोफेसनल गल्फर एसोसिएसन अफ नेपालले सहयोग गरेको थियो ।

साधारण सभाको उद्घाटन सत्रमा राष्ट्रिय खेलकुद परिषद् (राखेप) सदस्यसचिव टंकलाल घिसिङ, नेपाल ओलम्पिक कमिटीका अध्यक्ष जीवनराम श्रेष्ठ, नेपाल पत्रकार महासंघका केन्द्रिय सदस्य विकास कार्की र पत्रकार महासंघ एसोसिएट प्रदेशका अध्यक्ष बैकुण्ठ पराजुली लगायतले साधारण सभाको सफलताका लागि शुभकामना दिएका थिए । साधारण सभाको बन्द सत्रमा मञ्चका महासचिव प्रज्वल ओलीले प्रस्तुत गरेको वार्षिक प्रतिवेदन र कोषाध्यक्ष सुजन श्रेष्ठले तयार पारेको आर्थिक प्रतिवेदन पारित गरेको थियो ।

साधारण सभा अघिको सत्रमा राखेपका सदस्यसचिव घिसिङले चालु आर्थिक वर्षमा राखेपको सहयोगमा भएका विभिन्न खेलका अन्तर्राष्ट्रिय प्रतियोगिता आयोजनाको विवरण प्रस्तुत गरेका थिए । उनले राखेपसँग सम्बन्धित विषयमा खेल पत्रकार संग अन्तरक्रिया गरेका थिए ।

March 31, 2025

एपिएफ महिन्द्रा स्पोर्टस अवार्ड यसै महिना हुने

काठमाडौं (हाम्रो खेलकुद )- एपिएफ महिन्द्रा स्पोर्टस अवार्ड २०८१ यसै महिनाको अन्त्यमा हुने भएको छ। सशस्त्र प्रहरी बल नेपालको खेलकुद तथा शारीरिक सुगठन शिक्षालयअन्तर्गत नेपाल एपिएफ क्लबको आयोजना र अग्नी ईन्कोपर्पोरेटेड प्रा.लि. महिन्द्राको सहकार्यमा पहिलो पटक अवार्ड हुने लागेको हो । चैत २९ गते हुने अवार्डमा एपिएफ वर्षका उत्कृष्ट खेलाडी महिला,पुरुष,युवा, प्रशिक्षक,टिम, चर्चित खेलाडीसहित नगदसहित […]

March 31, 2025

अस्ट्रेलियामा गल्कोट कप भलिबल हुँदै

सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]

March 24, 2025

घोडचढी संघलाई सम्झौता पालना नगरेकोमा ओसिएको पत्र

काठमाडौं (हाम्रो खेलकुद)- ओलम्पिक काउन्सिल अफ एसिया (ओसिए) ले नेपाल घोडचढी संघका अध्यक्ष रवि राजकर्णिकारले सम्झौता पालना नगरेकोमा आश्चार्य व्यक्त गरेको छ। ओसिएका महानिर्देशक हुसैन अल मुसल्लमले सोमवार राजकर्णिकारलाई नेपाल ओलम्पिक कमिटी (एनओसी) विरुद्ध दायर मुद्दा अझै फिर्ता नलिएकोमा आश्चर्य व्यक्त गरेका हुन् । फागुन २७ गते कुवेतमा ओसिएको रोहवरमा एनओसीका अध्यक्ष जीवनराम श्रेष्ठ र […]

Success

Thank you for your time.