1 year ago
June 19, 2023
काठमाडौं (हाम्रो खेलकुद) – नेपाली पुरुष राष्ट्रिय भलिबल टोलीले किर्गिस्तानमा जारी काभा पुरुष भलिबल नेसन्स लिगमा लगातार दोस्रो हार बेहोरेको छ ।
घरेलु टोली किर्गिस्तानसँग ३–१ को सेटमा पराजित हुँदै नेपालले नेसन्स लिगमा लगातार दोस्रो हार बेहोरेको हो । नेपाल यसअघि पहिलो खेलमा मंगोलियासँग ३–१ को सेटमा नै पराजित भएको थियो ।
विस्केकमा रहेको चोलपोन एटिए कभर्डहलमा प्रतिस्पर्धात्मक बनेको पहिलो सेटमा नेपालले अग्रता लिएपनि त्यसलाई जोगाउन नसक्दा २४–२६ ले सेट गुमाउन पुग्यो । नेपाल १६–१४ ले अघि रहेपनि त्यसलाई जोगाउन सकेन ।
पहिलो सेट गुमाएको नेपालले दोस्रो सेट २५–२१ ले जित्दै खेलमा फर्कियो । दोस्रो सेटमा नेपालले सुरुदेखि नै अग्रता लिदै त्यसलाई जोगाएर जित निकाल्न सफल भयो ।
त्यसपछिको बाँकी दुई सेटमा भने नेपाल बलियो किर्गिस्तानसँग निरिह नै बन्यो । सुरुवातदेखि नै पछि परेको नेपालले तेस्रो सेट १८–२५ ले गुमाउन पुग्यो । चौथो सेटमा पनि नेपालले आफ्नो लयलाई समात्न नसक्दा १६–२५ ले नतिजा सुम्पन पुग्यो ।
लगातार दोस्रो हारसँगै नेपाल अंक विहीन छ । लगातार दोस्रो जित निकालेको किर्गिस्तानको २ खेलबाट ६ अंक पुगेको छ ।नेपालले मंगलबार इरानसँग प्रतिस्पर्धा गर्नेछ ।
त्यसपछि नेपालले बिहीबार तुर्केमिनिस्तान, शुक्रबार किर्गिस्तानको अर्काे टोली तथा आइतबार उज्वेकिस्तानसँग अन्तिम खेल खेल्नेछ ।
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
पोखरा (हाम्रो खेलकुद)- लामाचौर कप भलिबल प्रतियोगिताको पुरुषतर्फ नेपाल पुलिस क्लब च्याम्पियन बनेको छ । शनिवार भएको फाइनलमा एपिएफलाई ३-२ को सेटमा हराउँदै पुलिसले उपाधि जितेको हो । नव आदर्श सामुदायिक विकास समाजले आफ्नो वार्षिकोत्सव तथा हरितालिका तीजको अवसरमा लामाचौर कप राष्ट्रिय भलिबल च्याम्पियनसिपको आयोजना गरेको थियो । पुलिसले पहिलो सेट २५–१६ को सहज जित […]