1 year ago
June 16, 2023
हिमाल खरेल, बिर्तामोड
नामको विवादका कारण निर्माण हुन नसकिरहेको झापा पाडाजुँगीको आदिवासी रंगशाला तथा स्मृति पार्कलाई सरकारले १ करोड रुपैयाँ बजेट विनियोजन गरेको छ । झापाको कमल गाउँपालिका ५ मा रहेको रंगशालाका लागि पटकपटक बजेट छुट्टिए पनि नामको विवादले गर्दा निर्माण हुन सकेको छैन ।
नामकरणका विषयलाई लिएर विवाद हुँदा निर्माण कार्य अलपत्र हुन पुगेको थियो । गत वर्ष प्रदेश सरकारबाट छुट्टिएको १ करोड बजेट समेत फ्रिज भएको थियो । दमकबाट दुई किलोमिटर पूर्व पूर्वपश्चिम राजमार्गसँग जोडिएको आदिवासी जनजातिहरुको चिहानस्थललाई नष्ट गरी सो स्थानमा रंगशाला निर्माण गर्ने योजना अघि सारिएको थियो ।
केपी शर्मा ओली सरकारको पालामा आदिवासी रंगशाला तथा स्मृति पार्कको सट्टा मदन भण्डारी स्मृति रंगशालाको नाममा बजेट विनियोजन गरिएपछि काम हुन सकेन । स्थानीयबासी तथा पार्क समितिका पदाधिकारीले गलत शीर्षकमा सरकारले बजेट छुट्याएको भन्दै काम अघि बढाएनन् ।
आर्थिक वर्ष २०८०–०८१ को नीति तथा कार्यक्रमसहितको बजेटमा रंगशालाको निर्माणका लागि १ करोड रुपैयाँ विनियोजन गरिएको हो । रंगशालाका महासचिव दिपेनवाला राईले रंगशाला समिति तथा गाउँपालिकाको पहलमा बजेट छुट्टिएको बताए । रंगशालाको डिपिआरसहित घेराबेरा लगायतका संरचना निर्माण गर्न बजेट विनियोजन भएको उनको भनाइ छ ।
यसअघि समेत रंगशालाको निर्माणमा संघीय सरकारबाट पटकपटक गरी ३ करोड ५० लाख रुपैयाँ बजेट छुट्टिए पनि आधा रकमको काम मात्र भएको छ । २०६७ सालदेखि त्यहाँका आदिवासी जनजातिका ७ सयभन्दा बढी चिहानहरु नष्ट गरी उनीहरुको स्मृतिमा आदिवासी रंगशाला निर्माण कार्य सुरु भएको थियो ।
रंगशालाका महासचिव राईका अनुसार संघीय सरकारको चालु वर्षको १० लाख रुपैयाँको बजेटबाट रंगशालाको पूर्वतर्फ रहेको दाहसंस्कार स्थललाई व्यवस्थित गर्नका लागि प्रारिम्भक चरणका घेराबेरा लगायतका संरचना निर्माणका काम भइरहेका छन् । त्यहाँ यसअघि समेत प्रदेशकै १० लाख बजेटबाट मलामीगृह तथा शौचालय समेत निर्माण गरिएको छ ।
October 29, 2024
हिमाल खरेल, बिर्तामोड कोशी प्रदेश खेलकुद विकास बोर्डका सदस्य सचिव कृष्ण बस्नेतले सरकारी तलब भत्ता खाएर काम नगर्ने प्रशिक्षक र कर्मचारीलाई राजीनामा दिन आग्रह गरेका छन् । झापा जिल्ला खेलकुद विकास समितिले भद्रपुरमा संयोजन गरेको बस्नेतको निरीक्षण कार्यक्रममा सोमवार उनले भने, ‘काममा मन नलागे राजीनामा दिए हुन्छ, नयाँ तालिमप्राप्त प्रशिक्षक आउँछन् ।’ जिल्लाका अधिकांश प्रशिक्षकहरु […]
October 26, 2024
नेपालगन्ज (हाम्रो खेलकुद)- दशौं धारा नेपालगन्ज म्याराथनको प्रबद्र्धन गर्ने उद्देश्यले शनिवार आयोजना गरिएको राप्तीसोनारी ५ किमी रनको उपाधि अनिषा थारु आयुष केसीले जितेका छन् । निर्धारित दूरी छात्रातर्फ अनिषाले २५ मिनेट २१.०५ सेकेन्ड र छात्रातर्फ आयुषले १९ मिनेट २३ सेकेन्डमा पूरा गरे । नेपालगन्ज म्याराथनको एक दशक यात्रा पूरा गरेको अवसरमा राप्तीसोनारी गाउँपालिका वडा नं […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]