हिमालयन बैंक गल्फ शुक्रबार सुरु हुने

काठमाडौं (हाम्रो खेलकुद)– हिमालयन बैंक गल्फ प्रतियोगिता शुक्रबार सुरु हुने भएको छ । रोयल नेपाल गल्फ क्लब (आरएनजिसी) मा दुई दिन सम्म चल्ने प्रतियोगितामा बढीमा १ सय २५ खेलाडीको सहभागिता रहने हिमाल बैंकका चिफ मेनेजर समिर आचार्यले बिहीबार पत्रकार सम्मेलनमा जानकारी दिए ।

प्रतियोगितामा महिला, पुरुष, ग्रस, सिनियर, सुपर सिजिन, गेस्ट, हिमालयन बैंक ग्राहक, जुनियर र गल्र्सको प्रतिस्पर्धा हुने बताएका छ । आचार्यका अनुसार २० वटा विधामा खेलाडीहरुलाई पुरस्कृत गरिनेछ । बैंकको ३० औं बार्षिक उत्सावको वर्ष रहेकोले प्रतियोगितामा ३० औं स्थान प्राप्त गर्ने खेलाडी पनि पुरस्कृत हुनेछन् ।

पहिलो दिन ६० र बाँकी खेलाडीले शनिबार प्रतिस्पर्धा गर्नेछन् । ३/४ ह्यान्डीक्यापका आधारमा प्रतियोगिता हुनेछ । हिमालयन बैंकका चिफ मेनेजर जयन्द्र विक्रम शाहले प्रतियोगिता नियमित रुपमा आयोजना हुँदै आएको बताए । शाहले भने ‘हामी सहभागी सबैलाई धन्यवाद दिन्छौं । उहाँहरुको उत्साहजनक सहभागिताकै कारण प्रतियोगिता दुई दिन गर्दैछौं ।

’आरएनजिसीका मानार्थ महासचिव कसनकुमार अग्रवालले लगातारको सहकार्यका लागि हिमालयन बैंकलाई धन्यवाद दिए । आरएनजिसीका कप्तान मिथुन राईले प्रतियोगितालाई सफल पार्न हरसम्भव प्रयास गर्ने बताए ।