करातेको एसियाड छनोट सुरु, ३ खेलाडी छानिए

काठमाडौं (हाम्रो खेलकुद)– चार महिनापछि चीनमा आयोजना हुने १९ औं एयिाली खेलकुद (एसियाड) का लागि करातेको खेलाडी छनोट सुरु भएको छ ।

नेपाल कराते महासंघको आयोजना मंगलबार छनोट सुरु भएको छ । कातामा महिलामा कर्णालीकी एलिसा रास्कोटी र पुरुषमा स्वोनिम मानन्धर एसियाडका लागि छनोट भएका छन् । यसअघि छनोट भएर प्रशिक्षणमा रहेका खेलाडीहरुबीच लिगका आधारमा भएको प्रतिस्पर्धामा एलिसा र स्वोनिम विजयी भएका थिए । महिला र पुरुष दुवैतर्फको कातामा समान ३ खेलाडीले प्रतिस्पर्धा गरेका छन् ।

कुमुते ६० देखि ६७ केजीमा सन्तोष श्रेष्ठ एयिाडका लागि छनोट भएका छन् । दुई दिने छनोटमा कुमुतेका ५ खेलाडी बुधबार छनोट हुनेछन् । एसियाडका लागि छनोट हुने बाँकी करातेको राष्ट्रिय बी टोलीका लागि पनि खेलाडी छनोट गरिने बताइएको छ ।

राष्ट्रिय खेलकुद परिषद् (राखेप) का टंकलाल घिसिङले छनोट प्रतियोगिताको उद्घाटन गरेका थिए । कराते महासंघका अध्यक्ष युवराज लामाले कराते अनुशासितहरुको खेल हो भन्नेमा सरोकारवाला सबै सचेत हुनुपर्नेमा जोड दिए । उनले अनुशासन तोड्नेलाई महासंघले कारवाही गर्ने पनि बताएका थिए ।