दोलखा (हाम्रो खेलकुद) – भारतका इन्द्रजित महिन्द्रकारले दोलखा खुला अन्तर्राष्ट्रिय बुद्धिचाल प्रतियोगिताको उपाधि जितेका छन् ।

पूर्व मन्त्री भीमबहादुर तामाङको स्मृतिमा दोलखा चेस होम नेपाल दोलखाको आयोजना भएको प्रतियोगितामा साढे ८ अंकका साथ उपाधि जितेका हुन् । बुधबार नवौं तथा अन्तिम चरणमा भारतका अपलोसना मनाङलाई पराजित गरेका थिए । इन्द्रजितले उपाधि सहित १ लाख रुपैयाँ प्राप्त गरे ।

दोलखाको कालिन्चोक माध्यमिक स्कुलमा संचालन भएको प्रतियोगितामा भारतका बेदान्त नगरकाटे दोस्रो र मोहित कुमार तेस्रो स्थानमा रहे । बेदान्तले ६० हजार र मोहितले ४० हजार रुपैयाँ पाए । नवौ चरणको खेलमा बेदान्तले नेपाल च्याम्पियन फिडे मास्टर रुपेश जैसवाललाई निरास बनाए । मोहितले सुशुरत दाहाललाई पराजित गरे ।

शीर्ष दश भित्र भारतिय खेलाडीहरुको वर्चस्व रहेको प्रतियोगितामा धनविर सिं चौथो र राहुल सोराम पाँचौ स्थानमा रहे । प्रियान्सु बरुवा , अपलोसनम मानाङ, अनुष्का गुप्ता , कृष्ण कुमार र रुपेश जैसवाल क्रमशः छैठौं देखि दशौ स्थानमा रहे। पूर्व नेपाल च्याम्पियन नविन तण्डुकार भेट्रान तर्फ उत्कृष्ट भए भने अनरेटेडमा भारतका संकल्प सिं पहिलो भए ।

महिलातर्फ श्रीलंकी आई एम सचिन रणसिंगे विजय भइन् । विजेता खेलाडीलाई संघिय सांसद तथा पुर्व मन्त्री शंकर भण्डारीले पुरस्कार वितरण गरे । नेपाल ,भारत , श्रीलंका , अमेरिकाका गरि १ सय ५६ जना खेलाडीहरुको सहभागीता रहेको प्रतियोतामा कुल ४ लाख ८३ हजार रुपैयाँ पुरस्कार रहेको थियो ।