2 years ago
April 11, 2023
काठमाडौं (हाम्रो खेलकुद)– झण्डै छ सातापछि काठमाडौंमा आयोजना हुने काभा महिला भलिबल च्यालेन्ज कपमा नेपाल र भारत एउटै समूहमा परेका छन् ।
नेपाल भलिबल संघको आयोजनामा जेठ ६ देखि १५ गते सम्म त्रिपुरेश्वरस्थित राष्ट्रिय खेलकुद परिषद् (राखेप) कभर्ड हलमा हुने च्यालेन्जकपको समूह एमा नेपाल, भारतसहित बंगलादेश र कीर्गिस्तान रहेको संघले जनाएको छ ।
त्यस्तै समूह बीमा दक्षिण एसियाका अन्य दुई टोली माल्दिभ्स र श्रीलंकाका साथै उज्वेकिस्तान र काजाकास्तान रहेका छन् । च्यालेन्ज कपका लागि नेपाली महिला टोलीको प्रशिक्षण अहिले जारी रहेको छ । हाल प्रशिक्षक जान डे ब्रान्टको नेतृत्वमा २१ खेलाडी प्रशिक्षणमा रहेका छन् । अर्को साता टोलीको दोस्रो चरणको छनोट हुने बुझिएको छ ।
सन् २०१९ मा नेपालमा आयोजना भएको १३ औं दक्षिण एसियाली खेलकुद (साग) को फाइनपछि नेपाल र भारतको महिला भलिबल टोलीबीच प्रतिस्पर्धा हुन लागेको हो । त्यति बेला नेपाल फाइनलमा भारतसँग ३–२ ले पराजित भएको थियो । नेपाल पहिलो पटक सागको फाइनलमा त्यति बेला पुगेको थियो । त्यसअघि नेपालले तीन पटक सागमा कास्य पदक जितेको थियो ।
नेपालले दुई पटक एभीसी सेन्ट्रल जोनको उपाधि पनि जितिसकेको छ । यसपटक भने भारत, श्रीलंका र काजकस्तान जस्ता बलिया टोली पनि प्रतियोगितामा सहभागिता हुँदैछन् । प्रतियोगिताको प्रत्यक्ष प्रसारण हाम्रो खेलकुदको युट्युबमा आउनेछ ।
October 29, 2024
हिमाल खरेल, बिर्तामोड कोशी प्रदेश खेलकुद विकास बोर्डका सदस्य सचिव कृष्ण बस्नेतले सरकारी तलब भत्ता खाएर काम नगर्ने प्रशिक्षक र कर्मचारीलाई राजीनामा दिन आग्रह गरेका छन् । झापा जिल्ला खेलकुद विकास समितिले भद्रपुरमा संयोजन गरेको बस्नेतको निरीक्षण कार्यक्रममा सोमवार उनले भने, ‘काममा मन नलागे राजीनामा दिए हुन्छ, नयाँ तालिमप्राप्त प्रशिक्षक आउँछन् ।’ जिल्लाका अधिकांश प्रशिक्षकहरु […]
October 26, 2024
नेपालगन्ज (हाम्रो खेलकुद)- दशौं धारा नेपालगन्ज म्याराथनको प्रबद्र्धन गर्ने उद्देश्यले शनिवार आयोजना गरिएको राप्तीसोनारी ५ किमी रनको उपाधि अनिषा थारु आयुष केसीले जितेका छन् । निर्धारित दूरी छात्रातर्फ अनिषाले २५ मिनेट २१.०५ सेकेन्ड र छात्रातर्फ आयुषले १९ मिनेट २३ सेकेन्डमा पूरा गरे । नेपालगन्ज म्याराथनको एक दशक यात्रा पूरा गरेको अवसरमा राप्तीसोनारी गाउँपालिका वडा नं […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]