काठमाडौं (हाम्रो खेलकुद) – बुद्धिचालका अन्तर्राष्ट्रिय खेलाडी तथा फिडे मास्टर सुजेन्द्रप्रसाद श्रेष्ठको ५६ वर्षको उमेरमा शुक्रबार निधन भएको छ । शुक्रबार नै उनको अन्तिम संस्कार गरिएको नेपाल बुद्धिचाल संघका वरिष्ठ उपाध्यक्ष हेराकाजी महर्जनले जानकारी दिए ।

बुद्धिचाल संघका पूर्व उपाध्यक्ष ,मखन चेस क्लबका संस्थापक अध्यक्ष समेत रहेका श्रेष्ठ लामो समयदेखि क्यान्सर रोगबाट पिडित थिए । उनले इटालीमा भएको ३७ औं ओलम्पियाड, जर्मनीमा भएको ३८ औं ओलम्पियाड र नर्वेमा भएको ४० औं ओलम्पियाडमा देशको प्रतिनिधित्व गरेका थिए ।

श्रीलंकामा सम्पन्न भएको एशियन जोनल ३.२ प्रतियोगितामा नेपालको प्रतिनिधित्व गरि फिडे मास्टर टाइटल जितेका श्रेष्ठले बंगलादेशमा भएको अन्तर्राष्ट्रिय बुद्धिचाल प्रतियोगितामा उत्कृष्ट १० भित्र पर्न सफल भएका थिए । लेबनान, युएई र इन्डोनेसियामा सम्पन्न एशियन सिटिजमा नेपाली टिमको प्रतिनिधित्व गरका उनले न्युजिल्यान्डमा भेट्रान चेस च्याम्पियनसिप , अमेरिकामा मार्सल चेस च्याम्पियनसिपमा पनि भाग लिएका थिए ।

नेपालको बुद्धिचाल खेल इतिहासमा पहिलो पटक रेटिङ प्रतियोगिताको सुरुवात श्रेष्ठले नै गरेका थिए । वरिष्ठ उपाध्यक्ष महर्जनका अनुसार मखनस्थित आफ्नो घरमा श्रेष्ठले बुद्धिचालका लागि एउटा कोठा छुट्टाएका थिए । उनीकी श्रीमती छन् ।