1 year ago
March 12, 2023
बुटबल (हाम्रो खेलकुद)– बुटवल जिम एण्ड फिटनेसका सुनिल आलेले प्रथम मिस्टर उजिर सिंह रुपन्देही जिल्ला स्तरीय शारीरिक सुगठन प्रतियोगिताको उपाधि जितेका छन् । ३४ प्रतिस्पर्धीलाई पछि पार्दै सुनिल ओभरअल च्याम्पियबन बनेका हुन् ।
६५ केजी तौलसमूहका विजेता समेत रहेका सुनिलले उपाधिसहित ५० हजार रुपैयाँ, ट्रफि र व्यानेट प्राप्त गरे । ५५ केजी तौल समूहमा फिजिकल फिटनेसका आकाश गुरुङ विजयी भए । त्यसमा फिटनेस टाइमका प्रविन पौडेल दोस्रो र रोयल आइरनका बलराम डुम्रे तेस्रा भए । ६० केजी तौल समूहमा फिटनेस हबका स्यामुल गुरुङ पहिलो, बुटवल जिम एण्ड फिटनेसका भानुभक्त कठरिया दोस्रो र पावर एण्ड मशल जिमका रमेश थापा तेस्रा भए ।
सुनिलले विजयी भएको ६५ केजी तौल समूहमा द ड्रिम फिटनेसका सुरेश गुरुङ दोस्रो तथा कृष्ण जिमका चन्द्रबहादुर थापा तेस्रो भए । ७० केजीमा रोयल जिमका गौतम राना प्रथम, विलिङनेश जिम एक्सप्रेसका विजय कार्की क्षेत्री दोस्रो र फिटनेस टाइमका आकाश जिशिले तेस्रो भए ।
त्यसैगरी ७० केजी माथिको तौल समूहमा रोयल जिमका कुशल प्रसाद गुरुङ विजयी भए । फिटनेस टाइमका अमित डांगी दोस्रो र निवोध एरोविक्स एण्ड जिमका सुरेशबहादुर दमाई तेस्रा भए । हरेक तौल समूहको विजेताले ३ हजार, दोस्रो हुनेले २ र तेस्रो हुनेले १ हजार रुपैयाँ प्राप्त गरे ।
तौल समूहबाट विजेता बन्दै छनोट चरण पार गरेका पाँच जना विजेताबीच अन्तिम प्रतिस्पर्धा भएको थियो । फाइनलमा सुनिलसँग आकाश गुरुङ, स्यामुल गुरुङ, गौतम राना र कुशल प्रसाद गुरुङको प्रतिस्पर्धा भएको थियो । प्रतियोगिताको बेष्ट पोजरको उपाधि ५५ केजीका विजेता आकाश गुरुङले जिते ।
रुपन्देही जिल्ला शारीरिक सुगठन तथा फिटनेस संघको आयोजनामा शनिबार बुटवलमा सम्पन्न प्रतियोगिताको विजेतालाई प्रदेश खेलकुद परिषद लुम्बिनीका सदस्य सचिव जयप्रकाश भट्टराई, आयोजक संघका अध्यक्ष सितुप्रसाद श्रेष्ठ, बुटवल उपमहानगरपालिका प्रमुख प्रशासकीय अधिकृत टेकराज पन्थी, नेपाल शारीरिक सुगठन तथा फिटनेस महासंघका केन्द्रीय उपाध्यक्ष दिनेश राजभण्डारी तथा बुटवल उपमहानगरपालिका बडा न ९ का अध्यक्ष प्रदिप श्रेष्ठ लगायतले पुरस्कार वितरण गरेका थिए ।
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
सन्जोग चाम्लिङ राई काठमाडौं उपत्यका वा देशको शहरहरुमा हिँडिरहँदा कहीँकतै निलो रंगको जस्ता पाताको छाना मात्र देख्नु भयो भने यो फुटसल मैदान पो हो कि भनेर सबैभन्दा पहिले सोचिन्छ । छोटो समयमा व्यापारको लागि नै सही, यसको फैलावट र लोकप्रियता लोभलाग्दो देखिन्छ । चर्चित धावक हरी रोकायाको गृह जिल्ला जुम्लामा सम्म पनि फुटसलले पाईला टेकिसकेको […]
September 7, 2024
पोखरा (हाम्रो खेलकुद)- लामाचौर कप भलिबल प्रतियोगिताको पुरुषतर्फ नेपाल पुलिस क्लब च्याम्पियन बनेको छ । शनिवार भएको फाइनलमा एपिएफलाई ३-२ को सेटमा हराउँदै पुलिसले उपाधि जितेको हो । नव आदर्श सामुदायिक विकास समाजले आफ्नो वार्षिकोत्सव तथा हरितालिका तीजको अवसरमा लामाचौर कप राष्ट्रिय भलिबल च्याम्पियनसिपको आयोजना गरेको थियो । पुलिसले पहिलो सेट २५–१६ को सहज जित […]