विश्व जुनियर कबड्डी– नेपाललाई एतिहासिक पदक

काठमाडौं (हाम्रो खेलकुद)– नेपालले इरानमा दोस्रो विश्व जुनियर कबड्डी च्याम्पियनसिपमा कास्य पदक जितेको छ । विश्व जुनियर कबड्डीमा नेपालले पहिलो पटक पदक जित्दै इतिहास रचेको छ । नेपालसँगै सेमिफाइनल पुगेको पाकिस्तानले पनि संयुक्त रुपमा कास्य पदक जितेको छ ।

क्वार्टरफाइनलमा इराकमाथि ६४–६३ को रोमाञ्चक जित निकाल्दै नेपाल अन्तिम चारमा पुगेको थियो । सेमिफाइनलमा भने शुक्रबार नेपाल आयोजक इरानसँग ६०–३७ ले पराजित भएको थियो । त्यसअघि समूह डीमा रहेको नेपालले जर्जियालाई ८४–१७ लाई हराएको थियो । पाकिस्तानसँगको खेल भने नेपालले ६१–४१ ले गुमाएको थियो । इरानलाई हराउँदै भारतले च्याम्पियनसिपको उपाधि जितेको छ ।

नेपाली टोली
धनश्याम रोका मगर, इशरास खान, गणेश पार्की, दीपेन्द्र यादव, सागर यादव, सरमन प्रजापति, प्रकाश गिरी, आकाश भट्ट, रामु टमाटा, विजय दमाई
– पार्वती राई (मुख्य प्रशिक्षक), अरविन्दकुमार झा (प्रशिक्षक), लक्ष्मण बराल (व्यवस्थापक)