काठमाडौं (हाम्रो खेलकुद) – त्रिभुवन आर्मी क्लबका राजन रोकायाले आठौं प्रधानसेनापति खुला म्याराथन उपाधि जितेका छन् । शनिबार भएको म्याराथन (४२.१९५ किलोमिटर) २ घन्टा २० मिनेट ०८ सेकेन्डमा पूरा गर्दै राजनले म्याराथन उपाधि जितेका हुन् ।

आर्मीकै खडकबहादुर खड्काले दोस्रो र कृष्णबहादुर बस्नेतले तेस्रो स्थान प्राप्त गरे । खड्कले २ घन्टा २१ मिनेट ४३ सेकेन्ड र कृष्णले २ घन्टा २२ मिनेट २२ सेकेन्डमा दौड पूरा गरेका हुन् ।

राजपुरा र दीपकलाई हाफ म्याराथन उपाधि

नेपाली सेनाले आयोजना गरेको प्रतियोगिताअन्तर्गत हाफ म्याराथन (२१ किलोमिटर) को उपाधि महिलातर्फ नेपाल पुलिस क्लबकी राजपुरा पछाई र पुुरुषतर्फ आर्मीका दीपक अधिकारीले जितेका छन् । राजपुराले १ घन्टा १४ मिनेट ३४ सेकेन्डमा दौड पूरा गर्दै पहिलो स्थान प्राप्त गरेकी थिइन् । आर्मीकी पूर्णलक्ष्मी न्यौपाने (१ घन्टा १९ मिनेट ०३ सेकेन्ड) दोस्रो र आर्मीकै निर्मला केसी (१ घन्टा २१ मिनेट २९ सेकेन्ड) तेस्रो भएकी छिन् ।

१३ औं दक्षिण एसियाली खेलकुद (साग) का कास्य पदक विजेता दीपकले १ घन्टा ४ मिनेट ०६ सेकेन्डमा पूरा गरेका थिए । आर्मीकै मुकेश पाल (१ घन्टा ४ मिनेट ५७ सेकेन्ड) दोस्रा र बागलुुङका तीर्थ पून (१ घन्टा ५ मिनेट १५ सेकेन्ड) तेस्रो भए ।

सैनिक अधिकृतमा अस्मिाता र सुरज विजयी

सैनिक अधिकृत १० किलो मिटर दौडमा महिलातर्फ अस्मिता जिसी र पुरुषतर्फ सुरज ऐडी विजयी भएका छन् । अस्मिताले ४८ मिनेट ३६.४३ सकेन्डमा दौड पूरा गर्दैै पहिलो स्थान प्राप्त गरेकी थिइन् । दुुर्गा केसी (४९ मिनेट ५४.७७ सेकेन्ड) दोस्रो र गिता गुरुङ (५८ मिनेट ३९.५२ सेकेन्ड) तेस्रो भइन् ।

पुरुषतर्फ सुरजले ३८ मिनेट ०.९८ सेकेन्डमा दौड पूरा गरेर उपाधि जितेका थिए । विशाल चन्द्र वाजी (३० मिनेट १५.३१ सेकेन्ड) दोस्रो र जिलेस्पी जंग कार्की (३९ मिनेट ३६.९५ सेकेन्ड) तेस्रो भए ।

छात्रामा सोनुर छात्रमा विकेशको जित

१९ किलोमिटर छात्रामा राष्ट्रिय सेवा दलकी सोनु घतानी र छात्रमा पिनाकल एकेडेमीका विकेश घिमिरे विजयी भए । सोनुले ४३ मिनेट २५.१० सेकेन्डमा दौड पूरा गरेकी थिइन् । साधना श्रेष्ठ (४७ मिनेट ३८.६८ सेकेन्ड) दोस्रो र विजेश्वरी ज्ञान मन्दिरकी मनीषा गिरी (४९ मिनेट ३०.५७ सेकेन्ड) तेस्रो भइन् ।

छात्रमा ३५ मिनेट ०७.६२ सकेन्डमा दौड पूरा गर्दै विकेशले उपाधि जिते । एनसिसीका प्रज्वल श्रेष्ठ (३८ मिनेट २५.४५ सेकेन्ड) दोस्रो र सैनिक आवासिय महाविद्यालयका सुशिल बोहरा (३९ मिनेट ४०.८५ सेकेन्ड) तेस्रो भए ।

सैनिक सहचारीमा बानोथ विजयी

१० किलोमिटर सैनिक सहचारी पुुरुषमा भारतीय दुतावासका बानोथ प्रविण नायक विजयी भए । उनले ४२ मिनेट १०.१६ सेकेन्डमा दौड पूरा गरे । बेलायत दुुतावासका सुन्दर शेरचन (४५ मिनेट २६.७९ सेकेन्ड) दोस्रो र भारतीय दुतावासका सतिश कुमार (४५ मिनेट ३८.८४ सेकेन्ड) तेस्रो भए ।