सातौ राष्ट्रिय खेलकुद
काठमाडौं (हाम्रो खेलकुद)– सातौ राष्ट्रिय खेलकुद प्रतियोगिता बिहीबार फेन्सिङ महिला स्याबरमा अस्मिता बस्नेतले स्वर्ण, तुलसा बुढाथोकीले रजत तथा रविन थापा र सुकमाया घिसिङ्गले कांस्य पदक जितेका छन् । त्यस्तै पुरुष स्याबरमा एपिएफका जयराज अवस्थीले स्वर्ण, एपिएफकै प्रकाश कुँवरले रजत तथा सेनाका अमित भण्डारी र पश्चिमाञ्चलका खुशीमान गुरुङ्गले कांस्य पदक जितेका छन् ।

स्याबर महिला टिममा नेपाली सेनाले स्वर्ण, एपिएफले रजत र पश्चिमाञ्चलले कांस्य पदक जितेको छ । सेनाको टोलीमा कमला श्रेष्ठ, अश्मिता बस्नेत,रविना थापा र जानुका थापा मगर छन् । कास्य पदक विजेता एपिएफको टोलीमा तुलसा बुढाथोकी, मिनादेवी पौडेल,सुकमाया घिसिङ्ग र मुना थापा छन् । जिनिया राना, सृष्टि चौधरी, शान्ति भण्डारी र अनिता कुमाल सम्मिलित पश्चिमाञ्चल तेस्रो भयो ।
स्याबर पुरुष टिम इभेन्टमा नेपाली सेनाले स्वर्ण, एपिएफले रजत र पश्चिमाञ्चलले कांस्य पदक जितेको छ । सेनाको टोलीमा मदन थापा,तिल बहादुर भष्डारी,सागर श्रेष्ठ र अमित भण्डारी छन् । एपिएफ टोलीमा प्रकाश कुँवर ,राजेन्द्र गजुरेल,मिन प्रकाश जोरा र जयराम अवस्थी तथा मध्यमाञ्चल टोलीमा सुरेन्द्र पालुङ्गवा, पायस योञ्जन, विजय कुमार श्रेष्ठ र कृष्ण रायमाझी रहेका छन् ।

फेन्सिङको दोस्रो राष्ट्रिय प्रतियोगितासमेत रहेको प्रतिस्पर्धाअन्तर्गत इपी महिला टिम इभेन्टमा आर्मीले स्वर्ण पदक जितेको छ । त्रिपुरेश्वरस्थित कर्भडहलमा भएको प्रतियोगिताको दोस्रो दिन मनीषा रायमाझी, इन्दिरा पौडेल, अन्जना श्रेष्ठ र रविना धिमाल सदस्य रहेको आर्मीको टिमले स्वर्ण जितेको हो । रजत विजेता एपीएफमा श्रद्धा मल्ल, जानुका स्याङतान, अनिता कार्की, सुदिना धिमाल रहेका छन् । त्यसैगरि मध्यमाञ्चल कास्य पदक जितेको छ । सो टिममा सुषमा के मल्ल, उषा खड्का र अन्जु तमाङ रहेका छन् ।

पुरुषतर्फको टिम इपीमा एपीएफले स्वर्ण पदक जितेको छ । सो इभेन्टमा सुखीराम तामाङ, जंग गिरी, राजेन्द्र श्रेष्ठ र सागर थापा छन् । मध्यमाञ्चलले रजत पदक जित्यो । सो टिममा छिरिङ तामाङ, मिराज प्रजापति, सुविराज याखा र ओमकार सिंह छन् । सेनाले भने कांस्य प्राप्त गरेको थियो । सो टिममा प्रकाश भण्डारी, सागर केसी, दिपेन्द्र विष्ट र सवि श्रेष्ठ छन् ।