काठमाडा (हाम्रो खेलकुद) – एसिया रग्बी यू १८ ब्वाइज एण्ड गल्र्स च्याम्पियनसिप अर्को साता दशरथ रंगशालामा आयोजना हुने भएको छ ।

नेपाल रग्बी संघ र एसिया रग्बीको संयुक्त आयोजनामा मंसिर २४ र २५ गते हुने प्रतियोगितामा एसियाका ८ राष्ट्रको सहभागिता रहने नेपाल रग्बी संघका सचिव तथा प्रवक्ता गोविन्द घिमिरेले जानकारी दिएका छन् । नेपालसहित प्रतियोगितामा भारत, चीन, ताईपेइ, दक्षिण कोरिया, थाइल्यान्ड, मलेसिया, बंगलादेश र युएई सहभागिता रहने बताइएको छ ।

महिलातर्फ ५ र पुरुषतर्फ ८ टोलीले प्रतियोगितामा भाग लिने छन् । रग्बीको कुनै पनि अन्तर्राष्ट्रिय प्रतियोगिता नेपालमा आयोजना हुने लागेको यो पहिलो पटक हो । च्याम्पियनसिपको तयारीका लागि नेपाली टोली हेटौंडाको गौरीटारस्थित रंगशालामा बन्द प्रशिक्षणमा रहेको छ । नेपाल रग्बी संघका कार्यवाहक अध्यक्ष दीपक देवकोटाको संयोजकत्वमा च्याम्पियनसिपको मुल आयोजक समिति गठन भएको छ ।

त्यस्तै समारोह उपसमिति, प्रवाधिक उपसमिति, खेल मैदान ब्यबस्थापन उपसमिति, बसोबास ब्यबस्थापन उपसमिति, यातायात व्यवस्था उपसमिति, खेलसामग्री तथा पोशाक ब्यबस्थापन उपसमिति, स्वयंसेवक उपसमिति, सुरक्षा उपसमिति पनि गठन भएको संघले जनाएको छ ।