पोखरा (हाम्रो खेलकुद) – त्रिभुवन आर्मी क्लबकी जयरानी थारुले ४ सय मिटर हडल्समा नयाँ राष्ट्रिय कीर्तिमानसहित स्वर्ण पदक जितेकी छिन् । पोखरा रंगाशालामाको ट्र्याकमा जारी नवौं राष्ट्रिय खेलकुदको एथलेटिक्सतर्फको दोस्रो दिन जयरानीले कीर्तिमान बनाएकी हुन् ।

जयरानीले आफ्नै कीर्तिमान भंग गर्दै १ मिनेट ०४ः१३ सेकेन्ड (ह्यान्ड टाइमिङ) को नयाँ राष्ट्रिय कीर्तिमान बनाएकी छिन् । झण्डै ४ महिनामा नै उनले आफ्नो कीर्तिमान भंग गरेकी हुन् । काठमाडौंमा असारमा उनले १ मिनेट ०७.२ सेकेन्डको राष्ट्रिय कीर्तिमान बनाएकी थिइन् ।

महिला ४ सय मिटर हडल्समा एपएफकी भागरतीकुमारी थारु १ मिनेट ०६.०६ सेकेन्डका साथ रजत र एपिएफ कल्पना श्रेष्ठ १ मिनेट ०६.५१ कास्य पदक जितेकी छिन् । भागरतीले यसअघिको जयरानीको यसअघिको कीर्तिमान भन्दा समयमा सुधार गरेकी छिन् ।

आज बिहान त्रिभुवन आर्मी क्लबका धावक दीपक अधिकारीले पुरुष १० हजार मिटर दौडमा राष्ट्रिय कीर्तिमानसहित स्वर्ण जितेका थिए । एपिएफका धावक गोपीचन्द्र पार्कीले राखेको कीर्तिमानलाई भंग गर्दै नयाँ राष्ट्रिय कीर्तिमान बनएका थिए । दीपकले उनले निर्धारित दुरी ३० मिनेट १०.३० सेकेन्ड (ह्यान्ट टाइमिङ) मा पूरा गरको थिए ।

गोपीले यसअघि सन् २०१४ मा इन्चोन एसियाडमा ३० मिनेट ३०.९९ सेकेन्डमा दूरी पार गर्दै कीर्तिमान राखेका थिए । आज एपिएफका गोपीचन्द्रले ३० मिनेट ३८.३२ सेकेन्डमा दुरी पार गर्दै रजत जित्न सफल भए । उनले आफ्नो व्यक्तिगत प्रदर्शन भने सुधार्न सकेनन् । ३० मिनेट ४९.५० सेकेन्डमा दुरी पार गर्दै आर्मीका राजेन्द्र राईले कास्य पदक जिते ।