पोखरा (हाम्रो खेलकुद)– गण्डकी प्रदेशमा जारी नवौं राष्ट्रिय खेलकुदमा शनिबार १४ खेल सुरु हुँदैछन् । नवौंअन्तर्गतको पुरुष क्रिकेट गत महिना नै काठमाडौंमा सम्पन्न भएको थियो भने केहि खेल उद्घाटन अघि नै सुरु भएका थिए ।

जसमा महिला क्रिकेट, फेन्सिङ, फुटबल (महिला//पुरुष), भलिबल (महिला/पुरुष), ह्यान्डबल थिए । त्यसमध्ये फेन्सिङ शुक्रबार नै सम्पन्न भइसकेको छ । उपराष्ट्रपति नन्दबहादुर पुनले पोखरा रंगशालामा शुक्रबार नवौंको उद्घाटन गरेका थिए ।
कात्तिक ३ गते सम्म हुने नवौं राष्ट्रिय खेलकुदका पोखरा रंगशालासहित कास्कीका विभन्न स्थान र गण्डकी प्रदेशका अन्य जिल्लामा केहि खेल सुरु भइसकेका छन् भने केहि खेल शुक्रबार सुरु हुनेछन् ।

नवौंमा ३६ प्रतिस्पर्धात्मक र २ प्रदर्शनी खेल हुनेछन् । ६ हजार बढी खेलाडीको सहभागिता रहेको नवौंमा ४ सय ४ स्वर्ण पदकका लागि प्रतिस्पर्धा हुने आयोजक राष्ट्रिय खेलकुद परिषद् (राखेप) ले जनाएको छ ।

असोज २९ गते सुरु हुने प्रतियोगिता

आर्चरी – पोखरा रंगशाला, अर्चरी मैदान (कात्तिक २ गते सम्म)

टेबल टेनिस- कोल्माबहाकोट समाज हल पोखरा (कात्तिक २ गते सम्म)

रग्बी –(महिला पुरुष)- भण्डारढिक खेल मैदान, पोखरा (कात्तिक २ गते सम्म)

उसु -पोखरा रंगशाला, बहुउद्देश्यी कर्भड हल (कात्तिक ३ गते सम्म)

सेपाकताक्रो -(महिला पुरुष) नवलपुर, कावासोती (कात्तिक २ गते सम्म)

एथलेटिक्स -पोखरा रंगशाला (कात्तिक ३ गते सम्म)

शारीरिक सुगठन– सभागृह हल पोखरा (असोज ३१ गते सम्म)

भारोत्तोलन – उद्योग बाणिज्य संघ, पोखरा (कात्तिक २ गते सम्म)

कुस्ती – गैडाकोट, नवलपुर (कात्तिक १ गते सम्म)

ब्याडमिन्टन – पोखरा रंगशाला ब्याडमिन्टन कभर्ड हल (कात्तिक २ गते सम्म)

स्क्वास – पोखरा रंगशाला स्क्वास भवन (कात्तिक ३ गते सम्म)

प्याराग्लाइडिङ– सराङकोट, पोखरा (कात्तिक ३ गते सम्म)

पौडी- फिस्टेल एकेडेमी, पोखरा (कात्तिक १ गते सम्म)

कराते– कुस्मा, पवर्त (कात्तिक २ गते सम्म)

सुरु भइसकेका प्रतियोगिता

महिला क्रिकेट– (पोखरा रंगशाला, क्रिकेट मैदान)

ह्यान्डबल– (पोखरा रंगशाला, बहुउद्देश्यीय कर्भड हल)

तेक्वान्दो -(म्याग्दी)

महिला भलिबल– (म्याग्दी)

पुरुष भलिबल– (पोखरा रंगशाला, भलिबल कोर्ट)

महिला फुटबल– (स्याङ्जा)

पुरुष फुटबल -(गोस्टेघाट, पोखरा)

बुद्धिचाल -(गोरखा)

सम्पन्न भइसकेका प्रतियोगिता

पुरुष क्रिकेट

फेन्सिङ