फेन्सिङमा आर्मी टिम च्याम्पियन

पोखरा (हाम्रो खेलकुद)– नवौं राष्ट्रिय खेलकुदअन्तर्गत फेन्सिङमा त्रिभुवन आर्मी क्लब च्याम्पियन बनेको छ । शुक्रबार सम्पन्न फेन्सिङमा समान ५ स्वर्ण, रजत र कांस्यसाथ आर्मी टिम च्याम्पियन बनेको हो । ४ स्वर्ण, ३ रजत र १ कांस्यसाथ बागमती दोश्रो तथा २ स्वर्ण, ४ रजत र ७ कांस्य पदकसाथ एपिएफ तेश्रो भयो ।

सुदूरपश्चिम प्रदेशले १ स्वर्ण र २ कांस्य, गण्डकीले ४ कांस्य पदक तथा प्रदेश १ ले ३ कांस्य पदक जिते । प्रतियोगितामा १२ स्वर्णका लागि प्रतिस्पर्धा भएको थियो । अन्तिम दिन शुक्रबार सिनियर पुरुष टिम इपीमा आर्मी पहिलो भयो । आर्मीबाट राजेश चौधरी, मिन कार्की, सुरज सिंह र राम थापाको समूहले प्रतिस्पर्धा गरेको थियो ।

पोखरा रंगशालास्थित बहुउद्देश्यीय कभर्डहलमा एपिएफका जंग गिरी, सुकिराम तामाङ र सागर थापा दोश्रो भए । बागमतीका भीष्मराज दाहाल, राहुल दर्शन, गगन राई र ओमकार सिंह तथा गण्डकीका विजय अधिकारी, प्रशान्त गुरुङ, नवराज कार्की र सुनिल थापाको समूह तेस्रो भयो ।