काठमाडौं म्याराथन को तयारी पूरा

काठमाडौं (हाम्रो खेलकुद)– काठमाडौं म्याराथनको १४ औं संस्करणको तयारी पूरा भएको आयोजकले जनाएको छ । त्रिपुरेश्वरस्थित दशरथ रंगशालाबाट शनिबार बिहान ६ः३० बजे सुरु हुने म्याराथनमा झण्डै १२ सय खेलाडीको सहभागिता रहने आयोजकले जनाएको छ ।

त्रिपुरेश्वरबाट सुरु हुने म्याराथन थापाथली, पुलचोक, जावलाखेल, लगनखेल,कोटेश्वर,भक्तपुर,सूर्य विनायक, पोटरी स्क्वायर, दरबार स्क्वायर, पुरानो ठिमी, पेप्सीकोला, जडिबुटी, कोटेश्वर, तीनकुने, गौशाला, सुकेधारा, नारायणगोपाल चोक, केशर महल, नारायणहिटी दरबारमार्ग, भद्रकाली, शहीदगेट हुँदै पुनः त्रिपुरेश्वरस्थित दशरथ रंगशालामा पुगेर टुंगिने छ ।

सहभागी धावक साढे ११ बजेसम्ममा दशरथ रंगशाला प्रवेश गरिसक्ने आयोजकको विश्वास छ । काठमाडौं म्याराथनको नियमित आयोजना गर्दै आएका नेपाल ओलम्पिक कमिटी (एनओसी) का महासचिव निलेन्द्रराज श्रेष्ठले दौड अवधिभर सडकको दायाँबायाँ उभिएर धावकको हौसला बढानका साथै म्याराथनको समयमा सडकमा सवारी साधन लिएर ननिस्कन पनि आग्रह गरेका छन् ।