तीन म्याराथन अन्तर्राष्ट्रिय मापदण्डको गराउन पहल सुरु

काठमाडौं (हाम्रो खेलकुद)– नेपालमा आयोजना हुने तीन शहरमा आयोजना हुने म्याराथन काठमाडौं, पोखरा र नेपालगन्जको एसोसिएसन अफ इन्टरनेसनल म्याराथन एन्ड डिस्टेन्स रनिङ (एम्स) ले नाप लिने भएको छ ।

म्याराथनको कोर्स नाप्नका लागि एम्सको आधिकारिक कोर्स मेजरर अमिर सान्डिवान बुधबार नेपाल आइपुगेको काठमाडौं म्याराथनले जानकाएको छ । सान्डिवानले काठमाडौं म्याराथनका लागि काठमाडौं, ललितपुर, भक्तपुरमा पर्ने रुट नापी गरिसकेका छन् । त्रिुपरेश्वस्थित दशरथ रंगशालाबाट सुरु गरिएको कोर्सको नाप लिने काम सोही ठाँउमा पुगेर टुंगिएको छ । म्याराथनको आधिकारिक दौडको दुरी ४२.१९५ किलोमिटर हो ।

सान्डिवानले शुक्रबार पोखरा र त्यसपछि नेपालगन्ज म्याराथनको रुट नाप गर्ने बताइएको छ । नेपाल ओलम्पिक कमिटी (एनओसीीका महासचिव समेत रहेका काठमाडौं म्याराथनका मूख्य आयोजक निलेन्द्रराज श्रेष्ठको संयोजनमा सान्डिवान नेपाल आएका हुन् ।

तीनै म्याराथनको रुटको नापको प्रतिवेदन एम्सलाई बुझाइएने छ । त्यसपछि काठमाडौं, पोखरा र नेपालगन्ज म्याराथन एम्सको प्रमाणित म्याराथन हुनेछन् । जसको अर्थ ती म्याराथन अन्तर्राष्ट्रिय मापदण्ड अनुसारका हुनेछन् ।