पूर्व चौकी गाउँपालिकालाई भैरव ट्रफी फुटबल उपाधि

काठमाडौं (हाम्रो खेलकुद) – पूर्व चौकी गाउँपालिकाले भैरव ट्रफी २०७९ फुटबल उपाधि जितेको छ । डोटीको भैरव प्रसाद गण सिलगढी ब्यारकले आयोजना गरेको भैरव ट्रफीको शनिबार फाइनलमा डोटी उद्योग वाणिज्य संघलाई १–० ले हराउँदै पूर्व चौधी गाउँपालिकाले उपाधि जितेको थियो ।

विकास खत्रीले गरेको गोल फाइनलको निर्णायक बनेको थियो । विजेता टोलीले उपाधिसहित २० हजार र दोस्रो भएको टोलीले १० हजार रुपैयाँ प्राप्त गरेको थियो । पूर्वचौीका विकास खत्री प्रतियोगिताका उत्कृष्ट खेलाडी चुनिए । बिहीबार सुरु भएको प्रतियोगितामा १० टोलीको सहभागिता थियो।

जसमा फाइनल पुग्ने दुई टोलीबाहेक आयोजक भैरवप्रसाद गण, दिपायल सिलगढी नगरपालिका, शिखर नगरपालिका, पूर्वीचौकी नगरपालिका, कर्मचारी मिलन केन्द्र, बैंकर्स क्लब, गैर सरकारी संस्था डोटी,पत्रकार महासंघ, त्रिवि प्राध्यापक संघ थिए ।

सदूरपश्चिममा फुटबल गतिविधि बढाउनका लागि प्रतियोगिता आयोजना गरेको जनाउँदै आयोजक भैरवप्रसाद गणका प्रमुख सेनानी जनमतबहादुर कार्कीले अब हरेक वर्ष प्रतियोगिता आयोजनाको प्रयास गरिने जानकारी दिए ।