default_image

2 years ago

July 17, 2022

एसियाड तयारीको पहिलो चरण प्रशिक्षण सम्पन्न

135 views

0 Bookmark

काठमाडौँ (हाम्रो खेलकुद) – राष्ट्रिय खेलकुद परिषद् (राखेप) ले १९ औं एसियाली खेलकुदको तयारीमा राखेको २३ खेलको पहिलो चरणको प्रशिक्षण सम्पन्न भएको छ । राखेपले जेठ २४ गते प्रशिक्षणको उद्घाटन गरेको थियो । पहिलो चरणको प्रशिक्षण शनिबार सम्पन्न भएको थियो ।

राखेपले एसियाली खेलकुदको लागि कबड्डी, कुस्ती, उसु, ह्यान्डबल, भारोत्तोलन, एथलेटिक्स, भलिबल, कराते, टेकवान्दो, टेबलटेनिस, क्रिकेट, फेन्सिङ, पौडी, बास्केटबल, फुटबल, सुटिङ, जुडो, गल्फ, ब्याडमिन्टन, साइक्लिङ, बक्सिङ, त्रिलाथन, आर्चरी गरि २३ खेलको प्रशिक्षन सञ्चालन गरेको थियो ।

जसमध्ये तेक्वान्दो, बक्सिङ, फुटबल, पौडी, ट्रायथलन, कुस्ती र सुटिङको बन्द प्रशिक्षण सातदोबाटोमा भएको थियो । दशरथ रंगशालामा एथलेटिक्स, उसु, भारोत्तोलन र थ्री वाई थ्री बास्केटबलको प्रशिक्षण भएको थियो । त्यस्तै, भलिबल तालिम त्रिपुरेश्वरस्थित राखेपको कभर्ड हलमा भएको थियो ।

गल्फ गोकर्णमा र जुडोको तालिम नयाँबजारस्थित बहुउद्देश्यीय मार्सल आर्ट सेन्टरमा भएको थियो । त्यस्तै कीर्तिपुरमा फेन्सिङ, लगनखेलमा ह्यान्डबल, कञ्चनपुरमा कबड्डी, लैनचौर टेबलटेनिस, एनएससीमा ब्याडमिन्टन र क्रिकेट कीर्तिपुरमा पहिलो चरणको प्रशिक्षण सम्पन्न भएको हो ।

दोस्रो चरणको प्रशिक्षण मिति तय भइनसकेको राखेपका राष्ट्रिय टोली तयारी समितिका संयोजक महेन्द्र राइले बताएका छन् । ‘ पहिलो चरणको प्रशिक्षणका लागि हामीले ४० दिनको समय छुट्टाएका थियौं । त्यो सम्पन्न भएको छ,उनले भने,‘ दोस्रो चरणको प्रशिक्षण बारे भने राखेप सदस्य सचिव टङ्कलाल घिसिङ र हाइ पर्फमेन्स समितिसँगको छलफलपछि टुंगो लाग्नेछ ।’ १९ औं एसियाली खेलकुद सेप्टेम्बरमा चीनमा हुने भनिएको थियो तर आयोजक देशमा कोभिड–१९ को सङ्क्रमण बढेपछि प्रतियोगिता स्थगित भएको थियो । एसियाली खेलकुदको नयाँ मिति तय गरिएको छैन ।

January 2, 2025

मणीमुकुन्दको जित, एपिएफ र गल्कोटबिचको खेल स्थगित

सुमन अधिकारी, बुटवल बुटवलमा जारी मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिप–२०८१ अन्तरगत बुधवार तय गरिएका ३ खेल मध्ये २ खेल मात्र सम्भव भएको छ। चिसो र हुस्सुसंगै शीत परेपछि मैदान गिलो भएका कारण एपिएफ र गल्कोट भलिबल क्लबबिचको खेल स्थगित गर्नु परेको आयोजकले जनाएका छन् । एपिएफ र गल्कोटबिच चौथो सेट खेल्ने […]

January 1, 2025

ललितपुरका सजिनलाई बिलमलाल स्मृति चेस उपाधि

ललितपुर (हाम्रो खेलकुद)- ललितपुरका सिएम सजिन महर्जनले राष्ट्रब्यापी फिडे र्‍यापिड रेटिङ्ग बुद्धिचाल प्रतियोगिताको उपाधि जितेका छन्। ललितपुर स्पोर्ट्स क्लबले पूर्व नेपाल च्याम्पियन फिडे मास्टर बिलम लाल श्रेष्ठको स्मृतिमा आयोजना गरेको प्रतियोगितामा बुधवार ७.५ अंकका साथ सिजनले उपाधि जितेका हुन् । ललितपुर स्थित तुल्सीलाल प्रतिष्ठानमा भएको प्रतियोगितामा १ सय २२ खेलाडीको सहभागिता थियो।९ चरणको खेलबाट विजेता […]

January 1, 2025

केटिएम सिटीको बिर्तामोड आउटलेट सञ्चालनमा

हिमाल खरेल,बिर्तामोड नेपाली खेल पोशाक सामग्री उत्पादक ब्रान्ड केटिएम सिटी ले झापाको बिर्तामोडमा आउटलेट सञ्चालनमा ल्याएको छ । शेर्पा आउटडोरको केटिएम सिटीले शनिश्चरे रोडमा रहेको केटिएम सिटीको भुइँ तल्लामा सोरुम सञ्चालनमा ल्याएको हो । आज एक कार्यक्रमका बीच बिर्तामोड उद्योग वाणिज्य संघका अध्यक्ष राजु न्यौपाने, नेपाल चेम्बर अफ कमर्सका केन्द्रीय सदस्य ओमकृष्ण बिमली, झापा जिल्ला […]

Success

Thank you for your time.