बुद्धिचाल संघको भावी योजना सार्वजनिक

काठमाडौं (हाम्रो खेलकुद)– निर्वाचित भएको भोली पल्ट नै नेपाल बुद्धिचाल संघको नयाँ कार्यसमितिले कार्ययोजना सार्वजनिक गरेको छ । विदुरप्रसाद गौतमको अध्यक्षतामा २२ सदस्यीय कार्यसमिति सोमबार चयन भएको थियो ।

बुद्धिचाललाई ग्रासरुट सम्म योजना अघि सारेको संघले क्यालेण्डर बनाएर सबै खाले राष्ट्रिय प्रतियोगिता नियमित आयोजना गर्ने संघले जनाएको छ । सर्वाधिक अन्र्तराष्ट्रिय सहभागिता जनाउने खेल संघको पहिचान बनाउने गरि अघि बढ्ने जनाएको सघंले सक्दो धेरै फिडेका अफिसियल प्रतियोगिता आयोजना गर्ने बताएको छ ।

एक महिना भित्र कार्यलय स्थापना, एक सातामा अफिसियल वेभसाइट सञ्चालन गर्ने, मिसन आईएम प्रोजेक्ट , चेस ईन स्कुल प्रोगाम पुनः शुरु गर्ने संघले लक्ष्य राखेको छ । बुद्धिचाललाई ७७ जिल्लामा विस्तार गर्ने संघको याजना रहेको छ । हाल ५० जिल्ला संघ रहेका छन् ।

देशभरका सबै पालिकामा बुद्धिचाल संघ गठन गर्ने, खेलाडी संरक्षण कोषको स्थापना गर्ने तथा खेलाडी, आर्विटर, ट्रेनर र आयोजकलाई अभिमुखीकरण कार्यक्रम सञ्चालन गर्ने संघको लक्ष्य रहेको अध्यक्ष गौतमले बताएका छन् ।