बुटवल (हाम्रो खेलकुद) – अन्तर लुम्बिनी, गण्डकी, कर्णाली तथा सुदुरपश्चिम प्रदेश स्तरीय शारीरिक सुगठन प्रतियोगिताको उपाधि ७५ केजी वजन समुह विजेता भइ फाइनल चरणमा प्रवेश गरेका फिटनेस टाइम सैनामैनका कृष्ण श्रेष्ठ औभरअल च्याम्पियन बन्न सफल भएका छन् ।

कृष्णले प्रतियोगितामा सहभागी ६० जना प्रतिस्पर्धी खेलाडीहरुको चुनौतीलाइ पाखा लगाउदै शनिबार ’दशौं बुटवल श्री’ को उपाधिसंगै १ लाख रुपैयाँसहित ट्रफि हात पारे । उनको वजन नेपाल जिम एण्ड फिटनेसका अनिष थापा दोश्रो तथा मिड वेस्टर्न फिटनेस सेन्टरका सुरेन्द्र थापा तेस्रो भए ।
प्रतियोगिताको ५५ केजी तौल समूहतर्फ क्रमशः नेपालगंज एच एण्ड एफका सबिन थापा विजेता बने । भलु भैरब जिम सुनवलका सुरज बहादुर बराल दोस्रो र फिटनेस हब बुटवलका स्यामुल गुरुङ्ग तेस्रा भए । ६० केजी वजन समूहमा हेल्थ बेनफिट नेपालगंज बाँकेका सिद्धान्त जसेरिया प्रथम मदन भण्डारी स्पोटर्स एकेडमी सुर्खेतका अमृत रोकाय क्षेत्री दोश्रो तथा मोटिभेसन जिमका माधव सुवेदी तेस्रो भए ।

त्यस्तै ६५ केजी तौल समूहमा रत्नश्री जिम पोखराका सुरेश लाना प्रथम, भलु भैरब जिम एण्ड फिटनेसका लेख बहादुर गुरुङ्ग दोश्रो र पाबर जिम पोखराका संजिब पुन तेस्रो बने । ७० केजी वजन समुहमा एक्सट्रिम फिटनेस क्लब रुपन्देहीका मान बहादुर राना प्रथम, हेमर फिटनेसका राकेस यादब दोश्रो र भुमही जिम एण्ड फिटनेसका नवराज डुम्रे तेस्रो भए ।

त्यसैगरी ७५ केजी वजन भन्दा माथिको समुहमा प्याराडाइज फिटनेस सेन्टरका विवेक सिह दर्लामी प्रथम, हेल्थ वेनिफिट नेपालगंजका सितान्शु पाण्डे दोश्रो र रोयल जिम एण्ड फिटनेसका कुशल गुरुङ्ग तेस्रा भए । प्रतियोगिता रुपन्देही जिल्ला शारीरिक सुगठन तथा फिटनेस संघको आयोजनामा भएको थियो । रुपन्देही जिल्ला शारीरिक सुगठन तथा फिटनेस संघका अध्यक्ष सितु प्रसाद श्रेष्ठको अध्यक्षता तथा बुटवल उपमहानगरपालिकाका प्रमुख शिवराज सुवेदीको प्रमुख आतिथ्यमा सम्पन्न भएको थियो ।