3 years ago
March 26, 2022
धनगढी (हाम्रो खेलकुद)– त्रिभुवन आर्मी क्लबले दोस्रो मुख्यमन्त्री कप राष्ट्रिय भलिबल प्रतियोगिताको उपाधि जितेको छ । कैलालीको धनगढी रंगशालाको कभर्ड हलमा शनिबार भएको फाइनलमा अर्को विभागिय टोली नेपाल पुलिस क्लबलाई ३–१ सेटले हराउँदै आर्मी च्याम्पियन बनेको हो ।
सुरुवाती दुई सेटमा २५–२३,२५–२० ले जितेको आर्मीले तेस्रो सेट भने १८–२५ ले गुमाएको थियो । चौथो सेटमा आर्मी कडा चुनौतीका बावजुद पुलिसलाई २५–२२ ले हराउँदै उपाधि जितेको हो । आर्मीले उपाधिका साथ ४ लाख, दोस्रो पुलिसले २ लाख रुपैयाँ प्राप्त गरेयो । तेस्रो स्थान प्राप्त गरेको गण्डकी प्रदेशले १ लाख र चौथो भएको एपिएफ क्लबले ५० हजार रुपैयाँ प्राप्त गर्यो ।
सुदूरपश्चिम खेलकुद विकास परिषद्को आयोजनामा चैत ७ गतेदेखि सुरु भएको प्रतियोगितामा ७ प्रदेश र ३ विभाग गरि १० टोलीको सहभागिता रहेको थियो । आर्मीले यो वर्ष उपाधिमा ह्याट्रिक गरेको छ । माघ पोखरामा भएको टाइगर कप भलिबल प्रतियोगिताको उपाधि जित्नु अघि आर्मीले एनभिए क्लब च्याम्पियनसिप जितेको थियो । आर्मीले ती दुवै फाइनलमा टिप टप हेल्प नेपाललाई हराएको थियो ।
January 16, 2025
काठमाडौं (हाम्रो खेलकुद)- भारतमा जारी पहिलो खो खो विश्वकपमा पुरुषतर्फ नेपालले लगातार तेस्रो जित निकालेको छ । दिल्लीस्थित इन्दिरा गान्धी रंगशालामा बिहीवार नेपालले भुटानलाई ९८-८ ले हराउँदै लगातार जित निकालेको होसमूह ‘ए’मा नेपालले ४ खेलबाट ६ अंक जोडेको छ । नेपाल भारतसँगको आफ्नो खेलमा ४१-३७ पराजित भएको थियो । त्यसपछि नेपालले ब्राजिललाई १३४- ८ र […]
January 15, 2025
काठमाडौं (हाम्रो खेलकुद) – सायम कलेजको आयोजनामा हुने सायम प्रिमियर लिग क्रिकेटको पाँचौं संस्करणमा फागुन अन्तिम सातामा हुने भएको छ । बुधबार पुरानो बानेश्वरस्थित सायम कलेजमा आयोजित पत्रकार सम्मेलनमा सायमका प्रिन्सिपल अशोकराज पाण्डेले लिगमा कुल ४ टोलीको सहभागिता रहने जानकारी दिए । चारै टिममा सायममा बीबीए, बीसीएसआईटी र एमबीएमा अध्ययनरत विद्यार्थी रहने छन् । एक […]
January 14, 2025
सिड्नी (हाम्रो खेलकुद) – नेपाली महिला राष्ट्रिय भलिबल टोलीकी सदस्य सरस्वती चौधरी र प्रतिभा माली एभरेस्ट ग्लोबल एजुकेसन एण्ड भिजा सर्भिसेसको ब्रान्ड एम्बासडरमा नियुक्त भएका छन् । एभरेस्ट ग्लोबलले सरस्वती र प्रतिभालाई दुई वर्षको लागि ब्रान्ड एम्वासडरमा नियुक्त गरेको एभरेस्ट ग्लोबल सिड्नी अस्ट्रेलियाका निर्देशक तथा बिजनेस डेभलपमेन्ट म्यानेजर सुमन बानियाले जानकारी गराए । सम्झौता अवधि […]
