काठमाडौं (हाम्रो खेलकुद) – लुम्बिनी जनरल इस्योरेन्स कम्पनीको प्रायोजनमा यसै साता रोयल नेपाल गल्फ क्लबमा ओपन गल्फ प्रतियोगिता हुने भएको छ ।

शुक्रबार र शनिबार आयोजना हुने प्रतियोगितमा करिब १ सय २० गल्फरको सहभागिता रहने बुधबार आयोजित पत्रकार सम्मेलनमा लुम्बिनी जनरल इस्योरेन्सका प्रमुख कार्यकारी अधिकृत नुरप्रकाश प्रधानले जानकारी दिए । प्रतियोगितमा महिलातर्फ १०, जुनियरतर्फ १६ गल्फर र बाँकीले खुल्लामा प्रतिस्पर्धा गर्नेन रोयल नेपाल गल्फ क्लबका कोषाध्यक्ष मधुर सिन्याले जानकारी दिए । प्रतियोगिता १८ होलमा स्टेवल फोर्ड ३÷४ ह्यान्डीक्यापमा हुने बताइएको छ ।

प्रतियोगितामा पुरुष विजेता र उपविजेता, ग्रस विजेता, महिला विजेता र उपविजेता, सिनियर विजेता र उपविजेता, मस्ट बर्डिच, लङ्गेस्ट ड्राइभ, क्लोसेस्ट टु दि पिन, वेस्ट स्पोर्ट्सम्यानसिप, जुनियर विजेता ब्वाइज र उपविजेता, जुनियर गल्स विजेता र उपविजेता गरी विभिन्न १५ विजेतालाई ट्रफी र गिफ्ट ह्याम्पर प्रदान गरिनेछ ।

प्रतियोगिता सञ्चालनको लागि करिव १० लाख अनुमानित बजेट रहने अनुमान गरिएको छ । पत्रकार सम्मेलनमा सहायक प्रमुख कार्यकारी अधिकृत बरिश्मा आचार्य र रोयल नेपाल गल्फ क्लबका व्यवसायिक गल्फर रमेश नगरकोटीको उपस्थिति थियो । लुम्विनी जनरल इन्स्योरेन्सले सन् २०१८ र २०१९ मा गल्फ प्रतियोगिता आयोजना गरेपनि पछिल्लो दुई वर्ष कोरोना संक्रमणका कारण प्रतियोगिता हुन सकेको थिएन ।