सरितालाई पारा एथलिट अनर

काठमाडौं (हाम्रो खेलकुद)– सरिता थुलुङ पल्सर स्पोर्टस अवार्डमा पारा एथलिट अनरबाट सम्मानित भएकी छन् । नेपाल खेलकुद पत्रकार मञ्चले मंगलबार आयोजना गरेको अवार्डको १८ औं संस्करणमा सरिता पारा एथलिट अनरबाट सम्मानित भएकी हुन् ।

३ वर्षको उमेरमा पोलियो भएपछि सुनसरी सरिताले एउटा खुट्टा गुमाउनु परेको थियो । घिस्रेरै स्कुलले जीवन पार गरेकी उनी उच्च शिक्षाका लागि काठमाडौं पसेकी थिइन् । सांगितिक जीवनलाई अघि बढाउने सोच राखेपनि फरक क्षमताहरुको पनि खेलकुद हुन्छ भन्ने थाहा पाएपछि उनको खेल जीवनले नयाँ मोड लिएको थियो ।

खेलकुदमा उनको सुरुवात भने पारा फुटबलबाट भएको थियो । त्यसपछि उनले ह्विलचियर बास्केटबल, पौडी, पावर लिफ्टिङ खेलिन् । ती कुनैपनि प्रतिस्पर्धामा उनी दोस्रो हुनु परेको परे । लन्डनमा भएको विश्व पारा च्याम्पियसिप र सिंगापुरमा भएको पारा प्रतियोगितामा उनले देशको प्रतिनिधित्व गरिसकेककी छिन् ।