काठमाडौं (हाम्रो खेलकुद)– छैठौ झिल्टुडग क्रसकन्ट्री दौडको उपाधि महिलातर्फ धरानकी निकी नेम्बाङ र पुरुषतर्फ एपिएफ राजेन्द्र तामाङले जितेका छन् ।

बेलकोटगढी नगरपालिका वडा नं ५ कोल्पुटारमा शनिबार भएको १३.५ किलोमिटर क्रसकन्ट्री दौड़मा महिला र पुरुष सहित ३ सय ८० खेलाडीले भाग लिएका थिए । महिलातर्फ नितु तामाङ र छोकी शेर्पा तेस्रा भइन् । पुरुषतर्फ रामजी बस्नेत दोस्रो र भीम बहादुर गुरुंङ तेस्रा भए ।
१३.५ किमी स्थानिय पुरुष तर्फ सुजन श्रेष्ठ विजय भए । विमल थाम .दोस्रो र राजीव नेपाल तेस्रा भए । ४.५ किमी छात्र जुनियर खुल्लामा विश्वराम प्रथम, अशोक बोराम दोश्रो र सुमन शेर्पा लिम्बु तेस्रो भए । छात्रा तर्फ कन्चनपुर का सरस्वती बोहोरा प्रथम, मनिषा गिरी दोस्रा र गोमा बुढामगर तेस्रो भइन् ।

स्थानिय ४.५ किमी छात्र तर्फ पवन राई प्रथम, सुमन श्रेष्ठ दोस्रो र असल थापामगर तेस्रो भए । छात्रामा सपना श्रेष्ठ,अस्मिता दुलाल र पिस्कीला दुलाल क्रमश पहिलो, दोस्रो र तेस्रो भइन् । स्थानिय पुरुष ४५ बर्षमाथिको दौडमा राजेन्द्र प्रसाद नेपाल प्रथम, मिठु नेपाल दोस्रा र बिष्णु बहादुर श्रेष्ठ तेस्रो भए । ४.५ कि मि को आमा समूहमा कमला श्रेष्ठ पहिलो, सन्तुमाया श्रेष्ठ दोस्रा र विमला श्रेष्ठ तेस्रो भइन् ।

खुल्ला भेट्रान १३.५ कि मि दौड किर्तीपुरका धर्म महर्जनले जितेका छन् । रेवत बहादुर दाहाल दोस्रो र भीम बहादुर गुरुङ तेस्रा भए। एथलेटिक्स परिवार ,नेपाल ले सो प्रतियोगितामा प्राविधिक सहयोग गरेको थियो ।