झापा गाँउपालिकालाई अध्यक्ष कप भलिबल उपाधि

झापा (हाम्रो खेलकुद) – आयोजक झापा गाउँपालिकाले प्रदेश एक स्तरीय अन्तर पालिका दोश्रो अध्यक्ष कप भलिबल प्रतियोगिताको उपाधि जितेको छ ।

झापाको झापा गाउँपालिका–६ शरणामतीमा शनिबार सम्पन्न भोजपुरको आमचोक गाउँपालिकालाई २५–२२, २५–२३, २१–२५ र २५–१५ ले पराजित गर्दै झापा गाँउपालिकाले उपाधि जितेको हो । विजेताले उपाधिसहित १ लाख ५१ हजार रुपैयाँ र आमचोकले १ लाख रुपैयाँ प्राप्त गर्यो ।

आयोजक टोलीका रोहित शिवाकोटी प्रतियोगिता सर्वोत्कृष्ट खेलाडी र उत्कृष्ट ब्लकर घोषित भए । उनले १६ हजार ५ सय प्राप्त गरे । आयोजक टोलीका सागर किरण भट्टराई उत्कृष्ट सेटर, आमचोकका रोमन बस्नेत उत्कृष्ट स्पाइकर, आयोजकका रोशन शिवाकोटी उत्कृष्ट सर्भर, गणेश कट्वालले उत्कृष्ट डिफेन्स घोषित भए ।

झापाका अनिष गणेश उदीयमान खेलाडी चुनिए । उत्कृष्टले समान ५ हजार रुपैयाँ प्राप्त गरे । फाइनलका म्यान अफ दी म्याच आमचोकका रोमन बस्नेतले १ हजार रुपैयाँ प्राप्त गरे । जनता माविको मैदानमा भएको प्रतियोगितामा प्रदेश १ का १६ टोलीको सहभागिता थियो ।