सुर्खेत (हाम्रो खेलकुद) – कर्णालीको राजधानी वीरेन्द्रनगर सुर्खेतमा तेस्रो राष्ट्रिय महिला खुल्ला तेक्वान्दो प्रतियोगिता शुक्रबार सुरु भएको छ । नेपाल तेक्वान्दो संघ महिला सशक्तिकरणको आयोजना सुरु भएको तेस्रोे राष्ट्रिय महिला खुल्ला तेक्वान्दो प्रतियोगिता कर्णाली प्रदेशका मुख्य मन्त्री महेन्द्र बहादुर शाहीले उद्घाटन गरे ।

मुख्य मन्त्री शाही खेलाडी उत्पादनका लागि स्थानिय तहमा भौतिक संरचना निमार्ण गरिने बताएका छन् । विगतमा बिनियोजन गरेको खेलकुदको बजेट कार्यान्वयन पूर्ण रुपमा नभएकाले आउने दिनेमा त्यस्तो अवस्था नरहने प्रतिबद्धता जनाए । मुख्य मन्त्री शाहीले कर्णाली प्रदेशमा हुने १० औँ राष्ट्रिय खेलकुद सफल पार्न प्रदेश सकार लागि पर्ने जनाए ।

कार्यक्रममा राष्ट्रिय खेलकुद परिषद् (राखेप) का सदस्य सचिव रमेश कुमार सिलवालले कर्णाली प्रदेशमा खेलकुदका भौतिक संरचना अभाव भएको बताएका छन् । उनले प्रदेश सरकारसँगको सहकार्यमा खेलाडी उत्पादनमा जोड दिइने बताए । राखेपका सदस्य सुवास श्रेष्ठले कर्णालीको खेलकुद विकासका लागि राखेप सकारात्मक रहेको बताए ।

राखेप प्रशिक्षण विभाग प्रमुख अर्जुन बिकले कर्णालीका खेलाडीमा राम्रो सम्भावना देखिएकोले सरकारले उचित व्यवस्थापन गर्नुपर्नेमा जोड दिए । ओलम्पियन संगिना बैद्यले कर्णालीका महिलाहरुका लागी सधै आवाज उठाई रहने बताइन् । प्रतियोगीतामा झण्डै ४ लाख नगद पुरस्कार रहेको राखेपका सदस्य तगा तेक्वान्दोकी अन्तर्राष्ट्रिय प्रशिक्षक नन्दा बस्यालले जानकारी दिईन् । उनले कर्णाली प्रदेशमा खेलकुदमा चासो बढाउनका लागि सुर्खेतमा प्रतियोगिता आयोजना गरिएको बताइन् ।