काठमाडौं (हाम्रो खेलकुद) – नेपाली कांग्रेस केन्द्रिय खेलकुद बिभाग तथा ललितपुर किक बक्सिङले संयुक्त रुपमा यसै महिना चौथो वीर गणेशमान सिंह स्मृति खुल्ला राष्ट्रिय किकबक्सिङ प्रतियोगिता आयोजना गर्ने भएको छ ।

चैत २६ गते नेपाली कांग्रेस सभापति तथा पूर्व प्रधानमन्त्री शेर बहादुर देउवाले प्रतियोगिताको उद्घाटन गर्ने प्रतियोगिता संयोजक समेत रहेका नेपाली कांग्रेस केन्द्रिय खेलकुद विभागका सचिव मीन कृष्ण महर्जन जानकारी दिए ।

गोदावरी नगरपालिकाको चापागाउँमा ३ दिन सम्म चल्ने प्रतियोगितामा नेपाली सेना, नेपाल प्रहरी, शसस्त्र प्रहरी, कराते, तेक्वान्दो, बक्सिङ,उसु, मुआई थाई , फुल कन्ट्याक्ट कराते लगायतका खेलाडीले भाग लिने ललितपुर किक बक्सिङ संघ अध्यक्ष पूर्व खेलाडी विनोद महर्जनले बताए।

प्रतियोगितामा पुरुषतर्फ ५० केजी, ५५ केजी, ६० केजी, ६५ केजी, ७० केजी, ७५ केजी र खुल्ला गरि ७ तौल समुहमा प्रतिस्पर्धा हुने बताइएको छ । त्यस्तै महिलामा ५५ केजी, ६० केजी, ६५ केजी र खुल्ला गरि ४ तौल समूहमा प्रतिस्पर्धा हुनेछ ।

प्रत्येक तौल समूहको विजेताले ३०, दोस्रो हुने खेलाडीले १५ र तेस्रा हुने दुई खेलाडीले जनही ८ हजार रुपैयाँ प्राप्त गर्नेछन् । प्रतियोगिताका सर्वोत्कृष्ट महिला र पुरुष खेलाडीले समान २५ हजार रुपैयाँ प्राप्त गर्नेछन् ।

सबै भन्दा बढि स्वर्ण पदक हासिल गर्ने टोली टिम च्याम्पियन हुने र त्यो टोलीले १ लाख , दोस्रो टोलीले ५० हजार र तेस्रो टोलीले २५ हजार रुपैयाँ प्राप्त गर्ने आयोजकले जनाएको छ ।