नेपाल तेक्वान्दो संघको बार्षिक साधारण सभा पोखरामा भएको छ । प्रत्येक बर्ष राष्ट्रिय संघहरुले आफ्नो बार्षिक गतिविधीलाई प्रस्तुत गर्ने क्रममा यो साधारण सभा आयोजना गरिएको हो ।

साधारण सभामा महासचिव दीपराज गुुरुङले बार्षिक प्रतिवेदन पेश गरेका थिए । त्यस्तै जिल्लाका प्रतिनिधीहरुले आफना जिल्लाको प्रतिवेदन पेश गर्नुका साथै महासचिवको प्रतिवेदनमा छलफल गरेका थिए । राष्ट्र संघियता तर्फ अग्रसर भएकोले संघको संरचनालाई पनि त्यहि अनुरुप लैजानु पर्ने भएकोले क्षेत्रिय अवधारणालाई अगाडी बढाउनेबारे छलफल हुने उपाध्यक्ष हरिश्वर पोखरेलले जानकारी गराए ।
राष्ट्रिय खेलकुद परिषदका सदस्य सचिव केशव कुमार विष्टले साधारण सभाको पानसमा द्विप प्रज्वलन गरि उद्घाटन गरे ।
उक्त अवसरमा बोल्दै सदस्य सचिव विष्टले अव राष्ट्रलाई एभरेष्ट र बुद्धको देशको रुपमा नभई खेल र खेलाडी उत्पादन गर्ने देशको रुपमा चिनाउनु पर्ने बताए । उनले जुन खेलमा आकर्षण हुन्छ त्यही खेलमा विभिन्न वाधा अड्चन आउछ भन्दै विभाजित संघहरुलाई एकृकित गर्न आफु दृढ रहेको बताए । खेलकुद पर्यटन र अर्थतन्त्रको आधार बन्न सक्ने तर्फ इंगित गर्दै उनले यस्तो सम्भावना बोकेको खेललाई सवै जात, जाती, धर्म र वर्गको रोजाईको बनाउन सवै लाग्नु पर्ने बताए । विश्वलाई एक सुत्रमा बााध्ने खेललाई अन्तराष्ट्रिय क्षेत्रमा तेक्वान्दो खेलमार्फत पहिचान बनाउन सुझाए ।
नेपाल तेक्वान्दो संघका अध्यक्ष प्रकाश शमसेर राणाले स्वागत मन्तव्य व्यक्त गरेको कार्यक्रममा महासचिव दीपराज गुरुङले स्वार्थ र व्यक्तिबादी सोचका कारण खेलकुद अझ तेक्वान्दोलाई धाराशाही पार्न नेतृत्व लागि परको आरोप लगाए । उनले तेक्वान्दो खेल र खेलाडीको विकासमा सदा लागी पर्ने भन्दै पदक हासिल गर्न सक्ने खेललाई बर्गिकरण गरी खेलको विकास गर्न नेतृत्वलाई सुझाव दिए ।
कार्यक्रमलाई नेपाल खेलकुद पत्रकार मञ्च कास्कीका अध्यक्ष प्रेमनारायण न्यौपाने, राखेप कर्मचारी संघका महासचिव फणिन्द्र पौडेललगायतले शुभकामना व्यक्त गरेका थिए ।