5 years ago
August 30, 2019
काठमाडौं (हाम्रो खेलकुद)– ओलम्पियन दीपक विष्टसहित चार जना प्रशिक्षक प्रशिक्षण ङतालिमका लागि आज बेलायत जाँदैछन् । युके स्पोर्टस् र ग्रेट ब्रिटेन तेक्वान्दो एसोसिएसन तथा नेपाल तेक्वान्दो संघबीच दुई वर्षअघि भएको सम्झौता अनुसार चार जनालाई प्रशिक्षणमा जान लागेका हुन् ।
सेप्टेम्बर १ देखि १० सम्म म्यानचेस्टरमा हुने प्रशिक्षणमा विष्टसहित त्रिभुवन आर्मी क्लबका दानबहादुर ऐरी, नेपाल पुलिस क्लब रन्जन श्रेष्ठ र प्रशिक्षक कविराज खड्गीले नेपालको प्रतिनिधित्व गर्नेछन् ।
युके स्पोर्ट्स र ग्रेट ब्रिटेनका प्रशिक्षण यसअघि तीन पटक नेपाल आएर खेलाडी र प्रशिक्षकका लागि अलग अलग प्रशिक्षण दिएका थिए । नेपाल तेक्वान्दो संघका केन्द्रिय सदस्य हेमन्त डागीका अनुसार विदेशी प्रशिक्षक काठमाडौं र पोखरामा प्रशिक्षकका लागि तथा काठमाडौंमा खेलाडीका लागि अलग्गै प्रशिक्षण सञ्चालन गरेको थियो ।
खेल जीवनबाट विश्राम लिइसकेका वा लिइने क्रममा रहेका खेलाडीहरु जसले भविष्यमा नेपालको तेक्वान्दोमा योगदान गर्ने सम्भावना भएका लागि संघले छनोट गरेर बेलायत पठाएको सदस्य डागीले जानकारी दिए ।
उनीहरुलाई नेपाल तेक्वान्दो संघका अध्यक्ष प्रकाश शम्सेर राणा र महासचिव दीपकराज गुरुङलगायत संघका अन्य पदाधिकारीले विदाई गरेका थिए । प्रशिक्षण कार्यक्रमकै दौरान अध्यक्ष राणा र महासचिव गुरुङ सेप्टेम्बर ७ मा बेलायत जाने भएका छन् ।
January 31, 2025
काठमाडौं (हाम्रो खेलकुद ) – भारतको नयाँ दिल्लीमा हुने चौथो वाको इन्डियन ओपन किक बक्सिङ प्रतियोगितामा सहभागी हुन ४ पुरुष खेलाडीसहित ५ सदस्यीय नेपाली टोली शुक्रवार त्यसतर्फ प्रस्थान गरेको छ । माघ १९ देखि २३ गते सम्म हुने प्रतियोगिताको ६७ केजीमुनि सुनिम श्रेष्ठ, ५४ केजीमुनि आशिक कोली तथा ५१ केजीमुनि चिरन राई र भक्तराज जोशीले […]
January 27, 2025
काठमाडौं (हाम्रो खेलकुद)- नेपाल कराते महासंघ जिल्ला प्रमुख डोजो ललितपुरको आयोजना अर्को महिना चौथो कृष्णप्रसाद भट्टराई स्मृति राष्ट्रिय कराते प्रतियोगिता हुने भएको छ। प्रतियोगितालाई गोदावरी नगरपालिकाले मुख्य प्रायोजन गर्ने सोमवार पत्रकार सम्मेलनमा जानकारी दिइयो। गोदावरी नगरपालिका मेयर गजेन्द्र महर्जन र आयोजक डोजोका अध्यक्ष दीपक श्रेष्ठले सम्झौता पत्रमा हस्ताक्षर गरे। प्रतियोगिता सातदोबाटो स्थित नेपाल कराते एकेडेमी […]
January 18, 2025
काठमाडौं (हाम्रो खेलकुद)- नेपाल गोजु–रियो कराते–दो संघ शाखा डोजो मेलम्चीको आयोजनामा राष्ट्रिय खुल्ला कराते प्रतियोगिता सुरु भएको छ । बागमती प्रदेशका युवा तथा खेलकुदमन्त्री मीनकृष्ण महर्जनले शुक्रवार प्रतियोगिता उद्घाटन गरे । प्रतियोगितामा ७ प्रदेशबाट महिला १ सय ३० तथा पुरुष १ सय ४० गरि २ सय ७० खेलाडीको सहभागिता रहेको बताइएको छ । प्रतियोगितामा ४० […]
