9 years ago
May 5, 2016
भारतमा सम्पन्न १२ औं दक्षिण एसियाली खेलकुद (साग) का पदक विजेता खेलाडी, प्रशिक्षक, व्यवस्थापक र सहभागी खेलाडी बिहीबार सम्मानित भएका छन् । युनिभर्सल युनाइटेड नेप्लिज तेक्वान्दो फेडेरेसन (युयुएनटीएफ) ले उनीहरुलाई नगदसहित प्रशंसा पत्रबाट सम्मान गरेको हो ।
सम्मानित हुने रजत विजेताहरुमा वीरबहादुर महरा, सक्षम कार्की, रेजिना कार्की, यानकुमारी चौलागाईं, निमा गुरुङ, ज्ञानी चुनारा र आयशा शाक्य रहेका छन् । कांस्य विजेतामा सुनील पौडेल, निश्चलमान श्रेष्ठ र रामहरि महत छन् । सम्मान थाप्ने सहभागी खेलाडीमा महमद वेश, चन्द्रबहादुर राना मगर तथा प्रेमबहादुर बुढाथोकी छन् ।
प्रशिक्षकमा ध्रुवबहादुर गुरुङ, संगीना वैद्य, नवीनकुमार श्रेष्ठ, दीपक विष्ट तथा गणेशबहादुर जिम्बा सम्मानित भए । व्यवस्थापकमा नेपाल तेक्वान्दो संघका सदस्य सुमनकुमार घले रहेका छन् ।
रजत विजेतालाई २५ हजार, कांस्यलाई १५ हजार, प्रशिक्षक र व्यवस्थापकलाई समान १०–१० हजार तथा सहभागी खेलाडीलाई ५ हजारका दरले नगद प्रदान गरियो ।
उप्रधान एवं उर्जा मन्त्री टोपबहादुर रायमाझी, युयुएनटीएफका निर्देशक सन्तोष प्रधान, तेक्वान्दो संघका अध्यक्ष प्रकाशशमशेर राणालगायतले उनीहरुलाई एक कार्यक्रमबीच सम्मान गरे ।
सोही अवसरमा रियो ओलम्पिक– २०१६ का लागि भएको एसियाली तेक्वान्दो छनोट प्रतियोगितामा कांस्य जितेकी साग रजत विजेता निमालाई छुट्टै १० हजार नगद पुरस्कार प्रदान गरिएको थियो । त्यसै अवसरमा खाडीचौर तेक्वान्दो डोजाङलाई ३० हजार मूल्य बराबरको खेल सामाग्री प्रदान गरियो ।
March 9, 2025
काठमाडौं (हाम्रो खेलकुद)- बागमती प्रदेश खेलकुद विकास परिषदको बुधवार जुडो खेलको वर्कसप हुने भएको छ। इन्टरनेसनल जुडो फेडेरेसन (आइजेएफ) को नयाँ नियमका बिषयमा जानकारी दिन वर्कसपको आयोजना गर्न लागिएको बताइएको छ। आयुमी मात्सुमोतोले वर्कसप सन्चालन गर्नेछिन्। वर्कसपमा ३० देखि ४० जुडो प्रशिक्षक र खेलाडीको सहभागिता रहने जनाइएको छ। वर्कसप नयाँ बजारस्थित मल्टिप्रपोज मार्सलआर्ट केन्द्रमा हुनेछ।
March 2, 2025
काठमाडौं (हाम्रो खेलकुद)- नेपाल पुलिस क्लब चौथो कृष्ण प्रसाद भट्टराई स्मृति राष्ट्रिय कराते प्रतियोगितामा टिम च्याम्पियन बनेको छ। १२ स्वर्ण र १ रजत सहित पुलिस टिम च्याम्पियन बन्दै १ लाख प्राप्त गर्यो । पुलिस लगातार चौथो पटक च्याम्पियन बनेको हो । दोस्रो भएको एपिएफले ३ स्वर्ण २ रजत र ६ कास्य सहित कुल १० पदक […]
March 1, 2025
ललितपुर (हाम्रो खेलकुद)- चौथो कृष्ण प्रसाद भट्टराई स्मृति राष्ट्रिय कराते प्रतियोगिताको दोस्रो दिन शनिवार पनि नेपाल पुलिस क्लबको वर्चस्व रह्यो। कुमुतेतर्फ आज भएको ७ स्पर्धामा पुलिसले ६ स्वर्ण र एपिएफले १ स्वर्ण पदक जित्यो । दुई दिनमा १२ वटा स्वर्ण पदकको को छिनोफानो हुँदा पुलिसले १० तथा आर्मी र एपिएफले समान १ स्वर्ण पदक प्राप्त […]
