काठमाडौं (हाम्रो खेलकुद)– इन्डोनेसियामा जारी एसियाली खेलकुद अन्र्तगत नेपालकी निमा घर्तीमगरले उसुको थाउलोको नान्डोतर्फ नयाँ राष्टिय किर्तिमान कायम गरेकी छिन् ।

उसुकी निमा घर्तीमगर । फाइल तस्बिर

सोमबार भएको स्पर्धामा निमाले ९.१७ अंकका साथ किर्तिमान बनाएकी हुन् । इन्डोनेसियाको जार्कातामा जारी एसियन गेम्समा नेपाली खेलाडी बनाएको यो पहिलो किर्तिमान हो ।

नयाँ राष्ट्रिय कीर्तिमान बनाएपनि निमा १२ खेलाडीमध्ये ११ औं स्थानमा रहिन् । सागकी स्वर्ण पदक विजेता निमाले आइतबार नानक्वानमा निराशाजनक प्रदर्शन गरेकी थिइन् ।

सागर क्वार्टरफाइनलमा
तेक्वान्दोको पुरुष ५८ केजी मुनितौल समुहमा नेपालका सागर गुभाजु प्रिक्वाटर फाइनलमा प्रवेश गरेका छन् । पहिलो चरणमा उनले भुटानका तेन्जिन दोर्जीलाई हराए । उनले आजै क्वार्टर फाइनल प्रवेशका लागि भियतनामका खेलाडीसँग प्रतिस्पर्धा गर्नेछन् ।

त्यस्तै महिला ५३ केजी मुनिमा नेपाली खेलाडी निमा गुरुङ लेवनानकी लेटिटिया आउनसँग पराजित हुँदै बाहिरिइन् । यस्तै ६७ केजी मुनिको भिडन्तमा संगीता बस्याल फिलिपिन्सकी खेलाडीसँग पराजित भइन् ।

गौरिका र टिसा हिटबाटै बाहिर
यता, पौडीमा सागकी पदक विजेता खेलाडी गौरीका सिंह र टिसा शाक्य हिट चरणबाट नै बाहिरिएका छन् । महिला १०० मिटर फ्रिस्टाइलमा दोस्रो हिटमा रहेकी गौरीकाले १ मिनेट ०।८२ सेकेन्ड मा दुरी पूरा गर्दा चौथो हिटमा रहेकी टिसाले १ मिनेट ३।९६ सेकेण्डमा पुरा गरिन् ।