1 month ago
March 1, 2025
ललितपुर (हाम्रो खेलकुद)- चौथो कृष्ण प्रसाद भट्टराई स्मृति राष्ट्रिय कराते प्रतियोगिताको दोस्रो दिन शनिवार पनि नेपाल पुलिस क्लबको वर्चस्व रह्यो।
कुमुतेतर्फ आज भएको ७ स्पर्धामा पुलिसले ६ स्वर्ण र एपिएफले १ स्वर्ण पदक जित्यो । दुई दिनमा १२ वटा स्वर्ण पदकको को छिनोफानो हुँदा पुलिसले १० तथा आर्मी र एपिएफले समान १ स्वर्ण पदक प्राप्त गर्यो ।
ललितपुर सातदोबाटोस्थित कराते एकेडेमीमा आज भएको ७५ केजी तौल समुहमा १३औं दक्षिण एसियाली खेलकुद (साग) का कास्य पदक विजेता पुलिसका राजीव पुडासैनीले स्वर्ण जिते। उनले सुदर पश्चिमका योगेश सिंह बिष्टलाई हराए। आर्मीका शिबु ओड र रुरेहाङ्ग डुमी राईले कास्य हात पारे।
पुरुष ६७ केजी मुनिको तौल समुहमा पुलिसका सन्तोष श्रेष्ठले एकपक्षीय फाइनलमा गण्डकी प्रदेशका सक्षम लामालाई ९-० को अन्तरमा हराउँदै स्वर्ण जिते। सुदूर पश्चिमका खड्ग थामी मगर र कोशी प्रदेशका मनिष विक तेस्रो भए।
५० केजीमा पुलिसका साजन मोक्तान पहिलो भए। उनले फाइनलमा बागमतीका लेख राज घिमिरेलाई प्रतिस्पर्धात्मक फाइनलमा ७-५ ले माथ दिए। यो स्पर्धामा गण्डकी प्रदेशका बोमिन गुरुङ र मधेश प्रदेशका सोहन मगरले तेस्रो स्थानमा चित बुझाए।
८४ केजी पुरुषतर्फ मोहम्मद शेखु अलामले एपिएफलाई पहिलो स्वर्ण दिलाए। उनले फाइनलमा कोशीका धन राईलाई सहजै ९-२ ले हराए। मोहम्मदले एसियाली खेलकुदमा नेपालको प्रतिनिधित्व गरेका थिए। आर्मीका सुरेश जप्रेल र बागमती प्रदेशका सलमान मोहम्मदले कास्य पदक प्राप्त गरे।
महिला ५५ केजीमा पुलिसकी पुष्पका लामाले स्वर्ण जित्ने क्रममा कर्णाली प्रदेशकी प्रियंका शाहीलाई ५-० ले पराजित गरिन्। गण्डकीकी प्रभा राई र सुदुरपश्चिमकी गरीमा मल्ल तेस्रो भए।
४५ केजीमा पनि प्रहरीकी वर्षा बुढा मगर पहिलो भइन्। उनले लुम्बिनी प्रदेशकी पूजा राईलाई ११-३ ले हराइन्। गण्डकीकी सबुना राना मगर र आर्मीकी ममता महर्जन तेस्रो भए।
६१ केजीमा प्रहरीकी निरूपा दोङ तामाङले सहजै स्वर्ण जितिन्। उनले फाइनलमा सुदुर पश्चिमकी सोनिया तिरुवा लाई ९-१ ले पराजित गरिन्। यो स्पर्धामा एपिएफकी रमिता माझी र कोशी प्रदेशकी धन कुमारी मगरले तेस्रो स्थान हात पारे।
प्रतियोगिताको अन्तिम दिन भोलि ५ स्पर्धाम प्रतिस्पर्धा हुनेछ। यो प्रतियोगिताको स्वर्ण, रजत र कास्य पदक प्राप्त गर्ने खेलाडी सिधै राष्ट्रिय कराते टोलीको छनोट राउन्ड रोविनमा खेल्न पाउनेछन्।
April 3, 2025
काठमाडौं हाम्रो खेलकुद)- अस्ट्रेलियन ओपन कराते च्याम्पियनसिपमा सहभागी हुन ५ खेलाडीसहित ९ सदस्यीय नेपाली टोली बुधबार अस्ट्रेलियाको सिड्नी प्रस्थान गरेकि छ । शुक्रवारदेखि आइतवारसम्म हुने प्रतियोगितामा ४ महिला र १ पुरुष खेलाडीले नेपालको चुनौती प्रस्तुत गर्ने छन् । महिला ५० केजीमुनि वर्षा बुढा मगर, ५५ केजीमुनि पुष्पका लामा, ६८ केजीमाथि एसियाली खेलकुदकी रजत पदक विजेता […]
March 23, 2025
काठमाडौं (हाम्रो खेलकुद)- एसियाली खेलकुद (एसियाड) की रजत पदक विजेता एरिका गरुङलाई ‘हिमालयन वारियर’ उपनाम दिइएको छ। नेपाल कराते महासंघको आइतबार बाराको निजगढमा भएको दोस्रो वार्षिक साधारण सभाले एरिकालाई उपनाम दिएको हो । गत वर्ष चीनमा आयोजना भएको १९ औं एसियाडमा एतिहासिक रजत पदक जितेकी एरिकाले यो वर्ष चीनमै भएको एसियन च्याम्पियन्सिपमा रजत पदक प्राप्त […]
March 19, 2025
काठमाडौं (हाम्रो खेलकुद)- १३ औं दक्षिण एसियाली खेलकुद (साग) का स्वर्ण पदक विजेता विप्लभलाल श्रेष्ठले अप्रत्याशित रुपमा राष्ट्रिय अन्तर्राष्ट्रिय करातेबाट सन्न्यासको घोषणा गरेका छन्। नेपाल कराते महासंघ त्यसमा पनि अध्यक्ष युवराज लामाको व्यवहारप्रति असन्तुष्टि जनाउँदै विप्लभले बुधवार पत्रकार सम्मेलनमार्फत सन्न्यासको घोषणा गरेका हुन्। आफू कराते छाडेर विदेश जाने तयारी गरिरहेको विप्लभले बताए। ‘हवीका रुपमा मैले […]