2 hours ago
October 4, 2024
काठमाडौं (हाम्रो खेलकुद)- स्टार कराते खेलाडी एरिका गुरूङले इटलीमा हुने वल्ड कराते च्याम्पियनसिप क्याडेट जुनियर यु-२१ मा प्रतिस्पर्धा गर्ने भएकी छिन् ।
उनलाई आज राष्ट्रिय खेलकुद परिषद ( राखेप) का सदस्य सचिव टंकलाल घिसिङले बिदाइ गरे। पछिल्लो एकवर्षको खेल यात्रा एरिकाको लोभलाग्दो छ। खेलेको सबै अन्तराष्ट्रिय प्रतियोगितामा पदक जितेकी छिन्।
१९औं एसियाली खेलकुदमा रजत पदक जितिन्। जुन पदक ऐतिहासिक थियो। एसियाली खेलकुदमा व्यक्तिगततर्फ रजत जित्ने उनी दोस्रो खेलाडी बनेकी थिइन्।
यसपछि अन्य अन्तराष्ट्रिय प्रतियोगितामा पनि पदक जितेकी एरिकाले अर्को चमत्कारिक प्रदर्शन एकेएफ सिनियर कराते च्याम्पियनसीपमा रजत पदक जितिन्। जुन नेपालले सो प्रतियोगितामा जितेको पहिलो पदक समेत बन्यो।
५ वटा अन्तराष्ट्रिय प्रतियोगितामा ८ वटा पदक जितेकी एरिका र उनका प्रशिक्षक कुशल श्रेष्ठलाई सबै अन्तराष्ट्रिय प्रतियोगिता र प्रशिक्षणका लागि लाग्ने सम्पूर्ण खर्च राखेपले बेहोर्ने सदस्य सचिव घिसिङले बिदाइ कार्यक्रममा जानकारी गराए।
एरिकाले राखेपको यो निर्णयप्रति आभार व्यक्त गरिन्। चीनबाट रजत जितेर आएपछि आराम नगरी निरन्तर प्रशिक्षणमा लागेको र कमी कमजोरीहरु सुधारेको बताइन्। उनले सकेसम्म पदक जित्न कोशिश गर्ने पनि बताएकी छिन्।
प्रशिक्षक श्रेष्ठले यो एक स्तरको माथिल्लो प्रतियोगिता हो। यो पटक युरोपियन खेलाडीहरूको सामना हुने र सिकाइको लागि उत्कृष्ट मौकाको रूपमा लिएको बताए।
इटलीको भेनिसमा हुने च्याम्पियनसिपमा एरिकाले यु-२१ तर्फ ६८ केजी माथीको तौल समुहमा प्रतिस्पर्धा गर्नेछिन्।
च्याम्पियनसिपमा १ सय १३ राष्ट्रका १ हजार ९ सय ९५ खेलाडीको सहभागिता रहनेछ। एरिकाको खेल असोज २३ गते हुनेछ। च्याम्पियनसिप असोज २७ गतेसम्म चल्नेछ।
September 28, 2024
काठमाडौं (हाम्रो खेलकुद)- बन्दी सहायता नियोग (पाम) ले निर्माण गरेको पाम क्म्युनिटी एन्ड स्पोर्ट्स सेन्टरको शनिबार उद्घाटन गरिएको छ । नागर्जुन नगरपालिका वडा १ का अध्यक्ष रामेश्वर लामा र पामका अध्यक्ष डा. नारायणकाजी श्रेष्ठले सेन्टरको संयुक्त रुपमा उद्घाटन गरे । नागर्जुन १ स्थित विजुलीचोक, एकलटारमा नवनिर्मित सेन्टरमा जुडो हल, जिम हल, पुस्तकालय, अध्ययन कक्ष, चेन्जिङ […]
September 27, 2024
ललितपुर (हाम्रो खेलकुद)- बागमती प्रदेश युवा तथा खेलकुद मन्त्री मीनकृष्ण महर्जनलाई पितृ शोक परेको छ। मन्त्री महर्जनका हरिकृष्ण महर्जनको ८४ वर्षको उमेरमा उपचारका क्रममा शुक्रवार निधन भएको हो । निमोनियाबाट पीडित महर्जनलाई बिहीवारदेखि उपचारका लागि धापाखेलस्थित सुमेरु अस्पतालमा राखिएको थियो। महर्जनका श्रीमती, ५ छोरा र १ छोरी छन् । उनको अन्तिम संस्कार शनिवार विहान ९:०० […]
September 25, 2024
हेटौंडा (हाम्रो खेलकुद )- बागमती प्रदेश सरकार युवा तथा खेलकुद मन्त्रालयले दीपक श्रेष्ठलाई खेल विज्ञ मनोनित गरेको छ । मन्त्री मीनकृष्ण महर्जनले ललितपुरको गोदावरी ११ निवासी श्रेष्ठलाई आज खेल विज्ञ मनोनित गरेका हुन् । श्रेष्ठलाई बागमती प्रदेशको समग्र खेल क्षेत्रको विकासका लागि सल्लाह सुझाव दिन र आवश्यक विभिन्न खेलकुदसँग सम्बन्धित गतिविधि संचालन गर्न जिम्मेवारी प्रदान […]