3 weeks ago
August 27, 2024
काठमाडौं (हाम्रो खेलकुद) – पेरिस पारालिम्पिक्समा छनोट भएकी ओलम्पियन पलेशा गोवर्दनले भेनेन्जुएलाकी भलेरिया मोराल्सलाई पहिलो चरणमा प्रतिद्वन्द्वीको रूपमा भेट्टाएकी छिन्।
पलेशाले के– ४४ क्याटगोरीको महिला ५७ केजीमुनि तौल समुहमा प्रतिस्पर्धा गर्नेछिन्। आज भएको ड्र अनुसार पलेशाले बिहीवार पहिलो चरणको खेल जितेमा दोस्रो चरणमा विश्व वरियताको पहिलो स्थानमा रहेकी ब्राजिलकी फरनान कार्डोसोको सामना गर्नुपर्नेछ। यो स्पर्धामा कुल ११ खेलाडी छन्।
पलेशाको यो दोस्रो पारालिम्पिक्स हो। यसअघि टोकियो पारालिम्पिक्समा वाइल्ड कार्ड मार्फत छनोट हुँदा उनले दुई वाउट जितेर ऐतिहासिक सफलता प्राप्त गरेकी थिइन्। कास्य पदकको भिडन्तमा भने चीनकी खेलाडीसँग पराजित भएकी थिइन् । उनी ओलम्पिक्समा नै नेपालको लागि जित निकाल्ने पहिलो खेलाडी बनेकी थिइन्।
यो अनुभवलाई तिखार्दै चार वर्षपछि पलेशा छनोट हुँदै पेरिस पारालिम्पिक्सको यात्रा तय गर्न सफल भएकी हुन्। गत चैतमा पारालिम्पिक्सको एसियाली छनोट प्रतियोगितामा स्वर्ण जित्दै पलेशा पेरिस पारालिम्पिकमा छनोट भएकी हुन्।
उनी पारालिम्पिक्समा छनोट हुने पहिलो नेपाली खेलाडी पनि बनेकी छिन्। यीनै पलेशासँग चौथो एसियन पारा गेम्समा ऐतिहासिक कास्य पदक जितेको अनुभव पनि छ। उनीबाट यो पटक पदकको अपेक्षा गरिएको छ।
उनी ३१ दिनको विशेष प्रशिक्षणपछि पेरिस पुगेकाि हुन्। उनले म्यानचेस्टरमा प्रशिक्षक एन्ड्रियु डियरसँग प्रशिक्षण लिएकी थिइन् । पलेशा र भरतसिंह महताले बेलायतको राष्ट्रिय टिमसँग एक महिना लामो प्रशिक्षण लिने मौका पाएका थिए।
उनीहरूसँगै प्रशिक्षण गरेका बेलायतका अन्य तीन खेलाडीले पनि पेरिसमा प्रतिस्पर्धा गर्दैछन्।
वाइल्ड कार्ड मार्फत पेरिस पारालिम्पिक्समा छनोट भएका भरतसिंह महताले के– ४४ क्याटगोरीअन्तर्गत पुरुष ५८ केजीमुनि तौल समुहमा शुक्रवार प्रतिस्पर्धा गर्नेछन्। ड्र अनुसार उनले पहिलो चरणमा जापानका मित्सुया तानाकासँग खेल्ने छन्। यो स्पर्धाम १२ खेलाडी रहेका छन्।
पेरिसमा यो पटक मात्र तीन खेलाडीले नेपालको प्रतिनिधित्व गर्दैछन्। तेक्वान्दोबाट पलेशा र भरत तथा पौडीका भीमबहादुर कुमालले प्रतिस्पर्धा गर्नेछन्। उनले एस -९ क्याटगरीको पुरुष ५० मिटर फ्रिस्टायलमा प्रतिस्पर्धा गर्नेछन्।
September 16, 2024
काठमाडौं (हाम्रो खेलकुद)- चीनको हाङझाव एसियाली क्षेत्रको करातेको सबै भन्दा ठूलो प्रतियोगिता एसियाली सिनियर करातेको २० औं संस्करणमा नेपाली खेलाडीले प्रतिस्पर्धा गर्ने भएका छन्। असोज ४ देखि ६ गतेसम्म हुने च्याम्पियनसिपमाएसियाली खेलकुद (एसियाड) की रजत पदक विजेता एरिका गुरुङसहित ११ खेलाडीले प्रतिस्पर्धा गर्नेछन् । त्यसका लागि खेलाडीसहित १८ सदस्यीय नेपाली टोली मंगलवार हाङझाव प्रस्थान गर्नेछ […]
September 15, 2024
काठमाडौं (हाम्रो खेलकुद)– ज्यापु समाज यलले पेरिस पारालिम्पिक– २०२४ की ऐतिहासिक कांस्य विजेता पलेशा गोवर्धनलाई सम्मान गरेको छ । सोही अवसरमा पलेशाका प्रशिक्षक कविराज नेगी लामा र तेक्वान्दो प्रशिक्षक रिमोन महर्जनलाई पनि सम्मान गरिएको थियो । प्रशिक्षकका रुपमा लामाले अन्तर्राष्ट्रिय पारा तेक्वान्दोमा नेपाललाई विभिन्न ११ पदक दिलाएका छन् । अन्तर्राष्ट्रिय लेभल– १ प्रशिक्षक महर्जनले खेलाडीका […]
September 15, 2024
काठमाडौं (हाम्रो खेलकुद)- राष्ट्रपति रामचन्द्र पौडेलबाट ओलम्पियन दीपक विष्टलाई अभिनन्दित भएका छन् । सांस्कृतिक समाज नेपालद्वारा शनिवार काठमाडौंमा आयोजित स्रष्टा अभिनन्दन तथा देउडा सांस्कृतिक उत्सव २०८१ मा राष्ट्रपति पौडेलले ओलम्पियन विष्टलाई अभिनन्दन गरेका हुन्। ४ पटकका दक्षिण एसियाली खेलकुद (साग) मा स्वर्ण पदक जितेका तेक्वान्दो खेलाडी विष्टले एसियाली खेलकुदमा दुई कास्य पदक प्राप्त गरेका छन्। […]