2 years ago
July 14, 2023
टेक्सस/अमेरिका (हाम्रो खेलकुद)- नेपाली समाज टेक्सस र सुदुर पश्चिम नेपाली समाज, टेक्ससले एसियन खेलकुदमा दुई कास्य पदक तथा साग खेलकुदमा चार स्वर्णपदक विजेता ओलम्पियन दीपक विष्ट र एसियन खेलकुदमा एक कास्य पदक तथा साग खेलकुदमा तीन स्वर्ण पदक विजेता आयशा शाक्यलाई एक कार्यक्रममा बीच सम्मान गरेको छ ।
अमेरिका भ्रमणमा रहेका विष्ट र शाक्य सहित समाजले सो अवसरमा हाल टेक्ससमा रहेका विभिन्न खेलका अन्तराष्ट्रिय खेलाडीहरुलाई पनि सम्मान गरेको हो । यसरी सम्मानित हुनेहरुमा साग खेलकुदमा स्वर्ण पदक विजेता एसियन खेलकुदमा समेत सहभागी भएकी रुपा साङदाङ, बसन्त रेग्मी, पृथु बास्कोटा, शिवराम श्रेष्ठ, कैलाश दत्त रहेका छन् ।
आयोजक सुदुर पश्चिम नेपाली समाजका अध्यक्ष नवराज नाथ योगीको अध्यक्षता र नेपाली समाज टेक्ससका महासचिव सन्देश उप्रेतीको संचालन र नेपाली समाज टेक्ससकी महिला संयोजक गुञ्जन भण्डारीले संयोजक गरेको कार्यक्रममा नेपाल अमेरिका पत्रकार संघका अध्यक्ष सुरज भण्डारी, गैर आवासीय नेपाली संघ, राष्ट्रिय समन्वय परिषद् अमेरिकाका उपाध्यक्ष सुमन थापा, नेपाली समाज टेक्ससका अध्यक्ष राजेन्द्र वाग्ले, सुदुर पश्चिम नेपाली समाजका पूर्व अध्यक्ष प्रेम शाही लगायतले शुभकामना मन्तव्य व्यक्त गरेका थिए ।
सो अवसरमा सम्मानित व्यक्तित्वहरुको तर्फवाट बिष्ट र शाक्यले आफ्नो खेल यात्राका बारेमा धारणा राखेका थिए । सो अवसरमा नेपाल ओलम्पियन एशोसिएशनका अध्यक्ष समेत रहेका तेक्वान्दोका राष्ट्रिय प्रशिक्षक बिष्टले हाल नेपालका विभिन्न क्षेत्रमा एशोसिएशनको पहलमा स्कुल टु ओलम्पिक कार्यक्रम संचालन भैरहेको बताउँदै यसले ओलम्पियनहरुलाई युवा विद्यार्थीमा परिचित गराई खेलकुदमा युवाको सहभागिता बढाउन सहयोग पुग्ने विश्वास व्यक्त गरे ।
March 12, 2025
काठमाडौं (हाम्रो खेलकुद)- बागमती जुडो जुडो संघ को आयोजनामा बुधवार जुडो खेलको वर्कसप हुने भएको छ। इन्टरनेसनल जुडो फेडेरेसन (आइजेएफ) को नयाँ नियमका बिषयमा जानकारी दिन वर्कसपको आयोजना गरिएको । जापानी जुडो आयुमी मात्सुमोतोले वर्कसप सन्चालन गरेकी हुन्। बागमती प्रदेश खेलकुद परिषदको सहयोगमस भएको एक दिने वर्कसपमा जुडो प्रशिक्षक र खेलाडी गरि ५२ जनाको सहभागिता थियो […]
March 9, 2025
काठमाडौं (हाम्रो खेलकुद)- बागमती प्रदेश खेलकुद विकास परिषदको बुधवार जुडो खेलको वर्कसप हुने भएको छ। इन्टरनेसनल जुडो फेडेरेसन (आइजेएफ) को नयाँ नियमका बिषयमा जानकारी दिन वर्कसपको आयोजना गर्न लागिएको बताइएको छ। आयुमी मात्सुमोतोले वर्कसप सन्चालन गर्नेछिन्। वर्कसपमा ३० देखि ४० जुडो प्रशिक्षक र खेलाडीको सहभागिता रहने जनाइएको छ। वर्कसप नयाँ बजारस्थित मल्टिप्रपोज मार्सलआर्ट केन्द्रमा हुनेछ।
March 2, 2025
काठमाडौं (हाम्रो खेलकुद)- नेपाल पुलिस क्लब चौथो कृष्ण प्रसाद भट्टराई स्मृति राष्ट्रिय कराते प्रतियोगितामा टिम च्याम्पियन बनेको छ। १२ स्वर्ण र १ रजत सहित पुलिस टिम च्याम्पियन बन्दै १ लाख प्राप्त गर्यो । पुलिस लगातार चौथो पटक च्याम्पियन बनेको हो । दोस्रो भएको एपिएफले ३ स्वर्ण २ रजत र ६ कास्य सहित कुल १० पदक […]
