काठमाडौं (हाम्रो खेलकुद) – मार्सल आर्ट खेलाडी प्राप्ती बतासले यसै महिनाको सुरुवातमा मलेसियामा सम्पन्न इन्टरनेसनल फेडेरेसन अफ मुवा थाई (आइएफएमए) वल्र्ड युथ गेम्समा रजतसहित २ पदक जितेकी छन् ।

मलेसियामा साउन २४ देखि भदौ ४ गते सम्म भएको युथ गेम्समा प्राप्तीले आइएफएमए १२ देखि १५ वर्षको ५१ केजी तौल समूहमा रजत र १४ देखि १५ वर्षको ५१ केजीमा कास्य पदक जितेकी हुन् । उनले मलेसिया, टर्की, रसिया र चीनका खेलाडीसँग प्रतिस्पर्धा गरेको आइतबार आयोजित पत्रकार सम्मेलनमा उनका प्रशिक्षक राहुल मोक्तानले दिएका छन् ।

प्राप्तीले काठमाडौं महाराजगञ्जस्थित जिमखाना मुवा थाईमा प्रतिशक्षण गर्दै आएकी छन् । वल्र्ड युथ गेम्समा नेपालबाट उनले मात्र सहभागिता जनाएकी थिइन् । यू १६ को राष्ट्रिय च्याम्पियन समेत रहेकी प्राप्तीले आफ्नो बुवाका कारण खेलकुदमा लाग्न प्रेरणा मिलेको बताइकी थिइन् ।

‘मेरो बुवाले मलाई सधै साथ दिनुहुन्छ । मार्सल आर्ट खेल्नलाई उहाँले नै प्रेरित गर्नुभएको हो,’ उनले भनिन्, अहिलेको सफलताबाट खुसी लागेको छ । तर म यसमा सन्तुष्ट छैन । भविष्यमा स्वर्ण पदक जित्ने गरि खेल्नेछु ।’ टर्कीमा मंसिर ७ देखि ११ गते सम्म हुने आईएफएमए आन्टालिया कपमा नेपालको प्रतिनिधित्व गर्ने सम्भावना रहेको बताइएको छ ।

प्राप्तीका प्रशिक्षक मुवा थाईलाई अन्तर्राष्ट्रिय ओलम्पिक परिषद् (आइओसी) मा अन्तर्राष्ट्रिय खेलकुद महासंघका रुपमा आबद्ध रहेको छ । ग्रिष्मकालिन वा शीतकालिन ओलम्पिकमा समावेश नभएका यस्ता थ्रुपै खेललाई आइओसीले आबद्धता दिने गरेको छ ।