काठमाडौं (हाम्रो खेललकुद)– १३ औं दक्षिण एसियाली खेलकुदमा करातेतर्फ स्वर्ण पदक जित्नेसहित ३२ खेलाडी १९ औं एसियाली खेलकुद (एसियाड) को बन्द प्रशिक्षणका लागि छनोट भएका छन् ।

लैनचौरस्थित टेबलटेनिस हालमा शनिबार सम्पन्न छनोटमा ८ इभेन्ट्समा सेमिफाइनल पुग्ने समान ४ खेलाडी एसियाडको बन्द प्रशिक्षणका लागि छनोट भएका हुन् । जसमा महिला र पुरुषतर्फ एकल काता र कुमुतेका ३ इभेन्ट्स रहेका थिए ।

१३ औं सागका कुमुतेतर्फका स्वर्ण पदक विजेताा विप्लभलाल श्रेष्ठ, नवीन रसाइली, सुनिता महर्जन, अनुपमा मगर, कुसुम खड्कालगायतका खेलाडी एसियाडका लागि छनोट भएका हुन् । छनोटमा ८४ केजी मुनी र माथीको तौल समूहमा विप्लभले, ७५ केजी मुनीमा नविन विजयी भए ।

सुनिता महर्जन, कुसुम भने फाइनलमा पराजित भए । अहिले छनोट भएका ३२ खेलाडी एसियाडको लामो सुचीमा पर्नेछन् । बन्द प्रशिक्षकपछि हरेक समूहका समान १ खेलाडी एसियाडका लागि अन्तिम छनोटमा पर्नेछन् । एसियाडको करातेमा नेपालले पुरुष र महिलातर्फ समान ४ इभेन्ट्समा भाग लिने बताइएको छ ।

१९औं एसियन (एसियाड) गेम्स करातेबाट बन्द प्रशिक्षणमा छनोट भएका खेलाडीहरु

महिला

एकल काता – निर्मला तामाङ (पुलिस), चञ्चल दनुवार (पुलिस), सरु कार्की (पुलिस) र संगिता मगर (गण्डकी)

४५-५० केजी – सविना श्रेष्ठ(पुलिस), कुसुम खड्का (आर्मी), पर्सिया चौधरी (मधेश) र मिस्ली श्रेष्ठ (आर्मी)

५५–६१ केजी – सोनी राई (पुलिस), एस्तर राई (एपीएफ), अर्मिला डिसी (पुलिस) र रोजिता ढुंगेल –बागमती)

६८ केजी माथि – सनी तामाङ (आर्मी), सुनिता महर्जन (पुलिस), विनिता श्रेष्ठ (बागमती), अनुपमा मगर (एपिएफ)

पुरुष

एकल काता – स्वर्णिम मानन्धर (एपीएफ) प्रवीण मानन्धर (आर्मी), महशुस मोक्तान पुलिस र यानुज महर्जन (बागमती)

६० केजी – विजय श्रेष्ठ (एपीएफ), सोनाम लामा (पुलिस), सन्तोष श्रेष्ठ (बागमती) र साजन मोक्तान (पुलिस)

७५ केजी मुनि –नवीन रसाइली (पुलिस), गंगाराम कुसवहा (पुलिस), ईश्वर धन राई (प्रदेश १) र प्रदीप घर्तीमगर (मधेश प्रदेश)

८४ केजी मुनि र माथि – विप्लव लाल श्रेष्ठ (पुलिस), आशिष थापा (बागमती), रोजन खड्का (प्रदेश १) र विपिनराज सिंह दर्जी (आर्मी)