काठमाडौं (हाम्रो खेलकुद)– १३ औं दक्षिण एसियाली खेलकुद (साग) का स्वर्ण पदक विजेता नविन रसाइली प्रथम कृष्णप्रसाद भट्टराई स्मृति राष्ट्रिय कराते प्रतियोगिताको ६७ केजी तौल समूहमा च्याम्पियन बनेका छन् ।

ललितपुर सातदोबाटोस्थित कराते हलमा जारी प्रतियोगिताको तेस्रो तथा अन्तिम दिन शनिबार एपिएफ सुवास घतानेलाई ९–१ ले नकआउट गर्दै नवीनले स्वर्ण पदक जितेका हुन् । त्यसअघि सेमिफाइनलमा नवीनले बागमती निमा शेर्पालाई ८–० ले नकआउट गरे । लुम्बिनीका स्वदेश बुढामगर मेडिकल्ली डिस्क्वालिफाइड भएपनि एपिएफका सुवास अन्तिम दुईमा प्रवेश गरेका थिए ।

दुई वर्षअघि स्वदेशमा भएको १३ औं सागमा स्वर्ण जितेका नवीनले पहिलो खेलमा प्रदेश १ का रोहित बास्कोटालाई ६–४ ले, क्वार्टरफाइनलमा त्रिभुवन आर्मी क्लबका अर्जुनकुमार बागचन्दलाई १० –२ ले नकआउट गरेका थिए । त्यस्तै क्वार्टरफाइनलमा गण्डकीका विधान थापामगरलाई हराएका थिए ।
अन्तिम दिन महिला ६१ केजी तौल समूहमा एपिएफकी इस्तर राईलाई १३ –३ ले नकआउट गर्दै त्रिभुवन आर्मी क्लबकी शान्ता श्रेष्ठ स्वर्ण पदक जितेकी थिइन् । शनिबारको पहिलो खेलमा एपिएफका विजय श्रेष्ठले पुरुष ४४ केजी तौल समूहमा स्वर्ण पदक जितेका थिए । विजयले बागमती प्रदेशका सुबिन खत्रीलाई ५–२ ले पराजित गर्दै स्वर्ण पदक जितेका हुन् ।

अहिले सम्म १७ मध्ये १६ स्वर्ण पदकको छिनोफानो भइसकेको छ । जसमा पुलिसले सर्वाधिक ७, आर्मी ४, एपिएफले ३ तथा प्रदेश १ र बागमती प्रदेशले समान १ स्वर्ण पदक जितेका छन् । नेपाल लोकतान्त्रिक खेलकुद संघ र ललिलपुर जिल्ला प्रमुख डोजोको संयुक्त आयोजनामा भएको प्रतियोगितालाई राष्ट्रिय खेलकुद परिषद् (राखेप) र नेपाल कराते महासंघले १९ औं एसियाली खेलकुदको प्रारम्भिक छनोटको मान्यता दिएको छ । शनिबार सम्म चल्ने प्रतियोगितामा ७ प्रदेश, ३ विभाग (सेना, प्रहरी र एपिएफ) का २ सय १० खेलाडीको सहभागिता रहेको छ ।

महिलातर्फ ८ र पुरुषतर्फ ९ इभेन्ट्समा २१ स्वर्ण, २१ रजत र ४२ कास्य पदकका लागि प्रतिस्पर्धा भइरहेको छ । प्रतियोगितालाई सम्झना ल्याबले मुख्य प्रायोजन गरेको छ । लिनिङ र सान सोजु सह प्रायोजक रहेको प्रतियोगितालाई ललितपुर महानगरपालिका, गोदावरी नगरपालिका,बागमती गाउँपालिका र क्लासिक डायमण्ड सहयोगकी रुपमा रहेका छन् । प्रतियोगिता शनिबार सम्पन्न हुँदैछ ।

प्रथम कृष्ण प्रसाद भट्टराई स्मृति राष्ट्रिय कराते प्रतियोगिता–२०७८

महिल एकल काता

प्रथम– निर्मला तामाङ,नेपाल प्रहरी

द्वितीय – संगिता मगर,नेपाली सेना

तृतीय – सरिता श्रेष्ठ,एपिएफ

तृतीय – प्रतीक्षा पाख्रिन, प्रदेश नं १

महिला टिम काता

प्रथम नेपाल (प्रहरी)– १ चचला दनुवार २. सरु कार्की ३. निर्मला तामाङ

द्वितीय (नेपाली सेना)– १. सरिता मगर २. रिना श्रेष्ठ ३. शुभद्रा रम्तेल

तृतीय (प्रदेश नं. १) – १.सबना राई, २. इन्द्र माया तामाङ ३. रिया राई

तृतीय (बागमती प्रदेश)– १.सन्जु देशार २. नानु शाक्य ३. श्रृजना महत्तरा

४५ के जी. महिला कुमुते

प्रथम – कुसुम खड्का,नेपाली सेना

द्वितीय – पर्सिया चौधरी,मधेश प्रदेश

तृतीय – दिपा लामा,एपिएफ

तृतीय– निशा थापा, सुदूरपश्चिम प्रदेश

५० के. जी. महिला कुमुते

प्रथम – मिस्ली श्रेष्ठ ,नेपाली सेना

द्वितीय – अनिता पुन मगर, लुम्बिनी प्रदेश

तृतीय – सोनु श्रेष्ठ, बागमती प्रदेश

तृतीय – एलिना विक, एपिएफ

५५ केजी महिला कुमुते

प्रथम – सोनी राई,नेपाल पुलिस

द्वितीय – विद्या कला राई, प्रदेश १

तृतीय – गिता विक., लुम्बिनी प्रदेश

तृतीय – मनिषा चौधरी, एपिएफ

६१ केजी महिला कुमुते

प्रथम – शान्ता श्रेष्ठ, आर्मी

द्वितिय – एस्तर राई, एपिएफ

तृतिय – सविना मगर,मधेश प्रेदश

तृतिय – रमिता माझी, बागमती

–६८ केजी महिला कुमुते

प्रथम – निरुपा तामाङ, नेपाली सेना

द्वितीय –दायना ओझा,एपिएफ

तृतीय – सुनिता महर्जन, नेपाल प्रहरी

तृतीय – श्रद्दा थापा,बागमती प्रदेश

+६८ के जी महिला कुमुते

प्रथम –अनुपमा मगर,एपिएफ

द्वितीय – सनि तामाङ ,नेपाली सेना

तृतीय – सोनिया मोक्तान,बागमती प्रदेश

तृतीय – एरिका गुरुङ, नेपाल प्रहरी

पुरुष एकल काता
प्रथम – महसुस मोक्तान, नेपाल प्रहरी

द्वितीय – स्वर्णिम मानन्धर,एपिएफ

तृतीय – प्रविण मानन्धर,नेपाली सेना

तृतीय – रोहित राई, प्रदेश नं. १

पुरुष टिम काता

प्रथम ( एपिएफ)– १. अनिल चौधरी २. स्वर्णिम मानन्धर ३. युवराज सिंह

द्वितीय (नेपाली सेना)– १. जवारी लाख खत्री २. प्रविण मानन्धर ३. विनय लिम्बु

तृतीय ( नेपाल प्रहरी)– १.महसुस मोक्तान,२. जगत सिंह धामी ३. फुर्तेन तामाङ

तृतीय (प्रदेश नं. १) – १.रोहित राई २. विवेक राई ३. अशेष मगर

६० के.जी पुरुष कुमुते

प्रथम– सन्तोष श्रेष्ठ,बागमती प्रदेश

द्वितीय– रोशन भट,सुदूरपश्चिम

तृतीय – सोनम राम घर्ती अगर,लुम्बिनी प्रदेश

तृतीय – सरोज पासवान,मधेश प्रदेश

६७ केजी पुरुष कुमुते

प्रथम – नवीन रसाइली, नेपाल प्रहरी

द्वितिय – सुवास घतानी, एपिएफ

तृतिय – स्वदेश बुढामगर, लुम्बिनी

तृतिय – निमा शेर्पा, बागमती

७५ के.जी पुरुष कुमुते

प्रथम– गंगा राम कुसुवार,नेपाल प्रहरी

द्वितीय– रोशन बलामी, बागमती प्रदेश

तृतीय – कृष्ण बिष्ट,लुम्बिनी प्रदेश

तृतीय – मोहम्मद सेख आलम,एपिएफ

– ८४ के.जी. पुरुष कुमुते

प्रथम – राजन खड्का,प्रदेश नं १

द्वितीय– सुरेश जप्रेल,नेपाली सेना

तृतीय– दिवस श्रेष्ठ,नेपाल प्रहरी

तृतीय – प्रकाश खड्का,एपिएफ

+८४ के. जी. पुरुष कुमुते

प्रथम – बिप्लव श्रेष्ठ,नेपाल प्रहरी

द्वितीय – आशिष थापा,बागमती प्रदेश

तृतीय – सागर राउत,प्रदेश नं. १

तृतीय – बिपेन राज सिं दोर्जी, नेपाली सेना