चितवन (हाम्रो खेलकुद) – चितवनको भरतपुरमा राष्ट्रव्यापी विद्यालयस्तरीय प्रथम एलटिके पौडी प्रतियोगिता सुरु भएको छ । दुई दिने प्रतियोगिताको पहिलो दिन आज (शनिबार) विभिन्न ११ विधामा स्पर्धा भएका छन् ।

९ देखि १० वर्ष उमेर समूहको २५ मिटर ब्रेस्ट स्ट्रोक पुरुषतर्फ स्प्रिङ डेल एकेडेमी नेपालगञ्जका विशेष सिंहले स्वर्णपदक जितेका छन् । उनले निर्धारित दूरी २३ दशमलव २० सेकेन्डमा पूरा गरे । चितवनका शुभान्सराज केसीले ३६ दशमलव ८५ सेकेन्डमा दुरी पार गर्दै रजतपदक हात पारे । उनले नेपालगञ्जकै सुशान्त बोहराले ४२ दशमलव २० सेकेन्डमा दुरी पार गर्दै काँस्य जिते ।

११ देखि १२ वर्ष उमेर समूहको ५० मिटर ब्रेस्ट स्ट्रोक पुरुषतर्फ काठमाडौंका जोर्डन श्रेष्ठले १ दशमलव ०४ सेकेन्डमा निर्धारित दुरी पार गर्दै स्वर्ण जिते । नेपालगञ्जका दिवसले उक्त दूरी एक मिनेट ४ दशमलव ८१ सेकेन्डमा पूरा गर्दै रजत पदक हात पारे ।

१३–१४ वर्षको एक सय मिटर ब्रेस्ट स्ट्रोकमा काठमाडौँका जदेन श्रेष्ठले स्वर्ण जिते । उनले उक्त दूरी एक मिनेट २३ दशमलव ०४ सेकेन्डमा पूरा गरे । काठमाडौँकै अथर्व सिंहले रजत पदक जिते । उनले उक्त दूरी एक मिनेट ३१ दशमलव ८५ सेकेन्डमा पार गरे ।

१५ वर्षमाथिको एक सय मिटर ब्रेस्ट स्ट्रोकमा काठमाडौँका गौरव लामाले स्वर्ण जिते । उनले उक्त दूरी एक मिनेट १८ दशमलव ४९ सेकेन्डमा पूरा गरे । काठमाडौँका यजु महर्जनले रजत तथा नेपालगञ्जका सुमन न्यौपानेले काँस्य जिते । उक्त दूरी पार गर्न यजुले एक मिनेट ३५ दशमलव ७६ तथा सुमनले एक मिनेट ४९ सेकेन्ड लगाए ।

१५ वर्षमाथिको एक सय मिटर ब्रेस्ट स्ट्रोक महिलातर्फ काठमाडौंकी परी भण्डारीले स्वर्णपदक जितिन् । उनले उक्त दूरी एक मिनेट ४९ दशमलव ९९ सेकेन्डमा पूरा गरिन् ।

९–१० वर्षको २५ मिटर फ्लाईमा नेपालगञ्जका सुबाङ बोहोराले स्वर्ण जिते । उनले उक्त दूरी १९ दशमलव २३ सेकेन्डमा पूरा गरे । नेपालगञ्जकै विशेष सिंहले रजत जिते । उनले उक्त दूरी २० दशमलव ८६ सेकेन्डमा पुरा गरे ।

११–१२ वर्ष उमेर समूहको ५० मिटर फ्लाई पुरुषतर्फ नेपालगञ्जकै अमित रावलले स्वर्ण पदक हात पारे । उक्त दुरी उनले ३९ दशमलव ७७ सेकेन्डमा पुरा गरे । नेपालगञ्जका दिवस रेग्मीले रजतमा चित्त बुझाए । उनले उक्त दुरी एक मिनेट ०८ दशमलव ९५ सेकेन्डमा पुरा गरे ।

११–१२ वर्ष उमेर समूहको ५० मिटर फ्लाई महिलातर्फ काठमाडौंकी अश्रेस्ता राईले स्वर्ण जितिन् । उनले उक्त दुरी पुरा गर्न ४८ दशमलव ६४ सेकेन्ड लगाईन् ।

१३–१४ वर्ष उमेर समूहको एक सय मिटर फ्लाईमा काठमाडौंका प्रारम्भ भण्डारीले स्वर्ण हात पारे । उनले उक्त दुरी एक मिनेट ०९ दशमलव २० सेकेन्डमा पुरा गरे । काठमाडौंका अर्थव सिंह र अभ्यान्तर बिक्रम राईले क्रमशः रजत र कास्य जिते । अर्थव उक्त दुरी एक मिनेट २८ दशमलव २६ सेकेन्डमा पुरा गर्दा अभ्यान्तरले एक मिनेट ३१ दशमलव ०८ सेकेन्ड लगाए ।

यस्तै १५ वर्ष माथिको एक सय मिटर फ्लाईमा काठमाडौंका यजु महर्जनले स्वर्ण जिते । उक्त दुरी पुरा गर्न उनले एक मिनेट ३८ दशमलव २६ सेकेन्ड लगाए । नेपालगञ्जका सुमन न्यौपानेले उक्त दुरी दुई मिनेट ०३ दशमलव ९५ सेकेन्डमा पार गर्दै रजत जिते ।

८ वर्ष मुनीको ब्याक स्ट्रोक महिला पुरुष तर्फ काठमाडौंका रचित बुढाथोकीले स्वर्ण जिते भए । उनले उक्त दुरी ३८ दशमलव ०४ सेकेन्डमा पुरा गरे । काठमाडौंकै म्रिनल श्रेष्ठले रजत तथा मेहान श्रेष्ठले कास्य जिते । म्रिनलले ५० दशमलव ७३ सेकेन्ड तथा मेहानले एक मिनेट २५ दशमलव १४ सेकेन्डमा उक्त दुरी पुरा गरे ।

भरतपुर महानगरपालिका ६ देवनगरस्थित लेक ट्वान्टी थाउजेन्ड फार्म एण्ड रिट्रिट (एलटिके) हवेलीको आयोजनामा सुरु भएको प्रतियोगिता आइतबारसम्म चल्नेछ । ८ देखि १५ वर्ष उमेर समूहका पुरुष तथा महिला खेलाडीहरु प्रतियोगितामा सहभागी छन् ।