ढुंर्खकलाई बेथानचोक अध्यक्ष कप फुटबल उपाधि

काठमाडौं (हाम्रो खेलकुद) – ढुंखर्क फुटबल क्लबले तेस्रो बेथानचोक अध्यक्ष कप वडा स्तरिय फाइभ ए साइड फुटबल प्रतियोगिताको उपाधि जितेको छ । बेथानचोक गाँउपालिकाको बेथानचोक खेलकुद विकास समितिले आयोजना गरेको प्रतियोगिताको बिहीबार भएको फाइनलमा वडा नं ४ को आनन्द जीवन युथ क्लबलाई २–१ ले हराउँदै वडा नं २ को ढंखर्क च्याम्पियन बनेको हो ।

वडा नं ४ को गणेशस्थान खेल मैदानमा भएको फाइनलमा ढुंखर्कको जितमा दुवै गोल सुजन केसीले गरे । ढुंखर्कका खेलाडीले एक गोल आत्मघती गरेका थिए । उपाधिसहित ढुंखर्कले ५० हजार, दोस्रो आनन्दले २५ हजार र तस्रो टोली बेथानचोक ५ को च्याल्टी युथ क्लबले १० हजार रुपैयाँ प्राप्त गर्यो ।

आनन्दका अनिष लामा सर्वोत्कृष्ट खोडीका साथै उच्च गोलकर्ता बन्न सफल भए । ढुंखर्कका विशेष वाइवा उत्कृष्ट गोलकिपर, आनन्दका रविन्द्र कार्की उत्कृष्ट रक्षक, ढुंखर्कका अजय पुलामी मगर उतकृष्ट फरवार्ड चुनिाए ।

विजेता, उपविजेता टोलीका खेलाडीलाई बेथानचोक गाँउपालिकाका अध्यक्ष प्रेमबहादुर तिमल्सिनाले पुरस्कृत गरे । कात्तिक २१ देखि सुरु भएको प्रतियोगितामा पालिकाका ६ वडाका १६ टोलीको सहभागिता रहेको प्रतियोगिता संयोजक चिरण लामाले जानकारी दिए ।