काठमाडौं (हाम्रो खेलकुद) – सिद्धि मङ्गल माविले
विद्यालय स्तरीय प्रथम छात्रा लेजेण्ड कप फुटसल प्रतियोगिताको उपाधि जितेको छ।

लेजेण्ड फुटसलको आयोजनामा ललितपुरको महालक्ष्मी नगर पालिका सिद्धिपुरमा भएको सो फुटसल प्रतियोगिताको फाइनलमा माउन्ट ओलिभ विद्यालयलाई १-० ले पराजित गर्दै सिद्धि मंगलले उपाधि जितेको हो । भानोदय मावि तेस्रो भयो । प्रतियोगिताको उच्च गोलकर्ता कोपिला इङ्ग्लिस सेकेन्डरी विद्यालयकी रितिसा श्रेष्ठ बनिन्।

प्रतियोगितामा विजेता, उपविजेता टोलीलाई महालक्ष्मी नगरपालिकाका मेयर रामेश्वर श्रेष्ठ महालक्ष्मी नगरपालिका वडा न ६ का अध्यक्ष वासुदेव महर्जन गुण एयरलाइन्सका प्रबन्ध निर्देशक दिप्रस शाक्य लगायतले पुरस्कृत गरेका थिए।
गुण एयरलाइन्सका प्रबन्ध निर्देशक शाक्यले यस किसिमको विद्यालय स्तरको छात्रा फुटसल प्रतियोगिता ललितपुर जिल्लामै पहिलोपटक भएकोमा खुशी लागेको र आगामी दिनमा यस किसिमको प्रतियोगिताहरुमा आफुहरुको सहयोग र सहकार्य निरन्तर रहने बताए ।

सातवटा विद्यालयको सहभागिता रहेको यस प्रतियोगितामा सहभागी मध्ये दुईवटा टोलीलाई लेजेन्ड फुटसलद्वारा निशुल्क प्रशिक्षण एवम खेल स्थल उपलब्ध गराइएको लेजेन्ड फुटसलका अध्यक्ष अमन महर्जनले जानकारी दिए।