एजेन्सी – आइसिसी टि२० विश्वकप २०२१ मा भारतले अफगानिस्तानसँग पहिला ब्याटिङ गर्ने भएको छ । शेख जायद स्टेडियम आबूधाबीमा अफगानिस्तानका कप्तान मोहम्मद नाबीले टस जितेर पहिला फिल्डिङ गर्ने निर्णय लिएका छन् ।

भारतले आजको खेलमा टोलीमा दुई परिवर्तन गरेको छ । न्युजिल्यान्डसँगको खेलमा रहेका ईशान किशन र स्पिनर बरुण चक्रवर्ती बेन्चमा छन् । अनुभवी स्पिनर रविचन्द्रन आश्विन र सूर्य कुमार यादवले मौका पाएका छन् । बरुणलाई भारतले खराब प्रदर्शन र चोटका कारण टोली बाहिर राखेको हुन् । सूर्य फिट भएपछि किशन बेन्चमा बस्नु परेको हो ।

अफगानिस्तानका प्रमुख स्पिनर मुजिब उर रहमान आजको खेलमा टोलीमा छैनन् । उनको स्थानमा शराफुद्दिन अशरार्फले मौका पाएका छन् । अंक गणीतिय झिनो आशा कायमै राख्न भारतलाई आजको खेलमा जित्नै पर्ने दबाबमा छ । आजको खेलमा भारत पराजित भएमा लगातार तेस्रो हारका साथ प्रतियोगिताबाट बाहिरिने छ ।

सुपर १२ को २ मा पाकिस्तान सुरुवाती ४ खेलमा जितका साथ सेमिफाइनलमा पुगि सकेको छ । भारत पहिलो खेलमा पाकिस्तानसँग १० विकेट र दोस्रो खेलमा न्युजिल्यान्डसँग ८ विकेटले पराजित भएपछि समूह चरणबाटै बाहिरिने संघारमा छ । भारतलाई ब्याटिङमा विशेष सुधार र जिम्मेवारी प्रदर्शनका साथ ब्याटिङ गर्न आवश्यक देखिन्छ ।

अफगानिस्तानको प्लेईङ ११ :

हज्रातुल्लाह जजाई, मोहम्मद शाहजाद (विकेटकिपर), रहमानउल्लाह गुर्बाज, नाजिबुल्लाह जद्रान, मोहम्मद नाबी (कप्तान), गुलबदीन नाबी, राशिद खान, करिम जन्नत, नविन उलहक, शराफुद्दिन अशरार्फ, र हामिद हसन ।

भारतको प्लेइङ ११ :

विराट कोहली (कप्तान), रोहित शर्मा (उपकप्तान), लोकेश राहुल, ऋषभ पन्त (विकेटकिपर), सूर्यकुमार यादव , हार्दिक पान्ड्या, रविन्द्र जडेजा, रविचन्द्रन आश्विन, शार्दूल ठाकुर, जस्प्रित बुमराह र मोहम्मद शामी

हेड टु हेड :

भारतले अफगानिस्तानसँग दुई पटक टि२० विश्वकप खेलेको छ । दुबै खेलमा भारत विजयी भएको छ । दुबै खेलमा चक्रवर्तीले कमजोर प्रदर्शन गरेका छन् । २०१२ मा २३ रन र २०१० मा अफगानिस्तानलाई ७ विकेटले हराएको थियो ।