काठमाडौं (हाम्रो खेलकुद) – जाडेन श्रेष्ठ ब्वाईज र आजमी शेरचनले गल्र्सतर्फ लिटल डल्फिन्स् प्रालि किड्स ट्राईथलनको उपाधि जित्न सफल भएका छन् ।

स्कुल स्तरदेखि नै खेलाडी उत्पादन गर्दै नेपालमा ट्राईयाथलन खेलको बिकास र विस्तार गर्ने उद्धेश्यले नेपाल ट्राईयाथलन संघको प्राविधिक सहयोग र लिटल डल्फिन्स् स्विम स्कुल प्राईभेटको आयोजनामा भएको प्रतियोगितामा जाडेनले १०० मिटर पौडी ५ किमि साईक्लिङ र १.५ किमि दौड २० मिनेट ५१.६१ सेकेन्डमा पुरा गरे । यस्तै आजमीले उक्त दूरी २३ मिनेट १८.१० सेकेन्डमा पुरा गरिन् ।

बिजयी खेलाडीहरुले प्रमाण पत्र, मेडल र १० हजार बराबरको गिफ्ट भौचर प्राप्त गरे । कालोपुलस्थित वेष्ट भेन्युमा भएको प्रतियोगितामा ब्वाईजतर्फ अथर्व सिंहले दोश्रो स्थान प्राप्त गर्दा युभन लाल श्रेष्ठले तेश्रो स्थान प्राप्त गरे । सिंहले उक्त दूरी २१ मिनेट, १२.७२ सेकेन्ड र श्रेष्ठले २२ मिनेट, १७.२० सेकेन्डमा पुरा गरे ।

यस्तै गल्र्स तर्फ परिधी भण्डारीले २५ मिनट १७.१६ सेकेन्ड र आर्या महर्जनले २६ मिनेट १२.५४ सेकेन्डमा दूरी पुरा गर्दै दोश्रो र तेश्रो स्थान हात पारे । दोश्रो र तेश्रो स्थान हात पार्ने खेलाडीहरुले मेडल, प्रमाण पत्रका साथै ५ हजार र ३ हजारको गिफ्ट भौचर प्राप्त गरे । प्रतियोगितामा ब्वाईजतर्फ जोर्डन श्रेष्ठ र गल्र्सतर्फ ज्योत्सना भट्ट युवा खेलाडी घोषित भए । उनीहरुले ३ हजार बराबरको गिफ्ट भौचर प्राप्त गरे ।

बिजयी खेलाडीहरुलाई प्रमुख अतिथी काठमाडौं महानगरपालिका वडा नं. ५ का अध्यक्ष रमेश डङ्गोल, नेपाल ओलम्पिक कमिटिका महासचिव एवं नेपाल ट्राईयाथलन संघका अध्यक्ष निलेन्द्र राज श्रेष्ठले लगायतले पुरस्कार वितरण गरेका थिए । प्रतियोगितामा २२ ब्वाईज र ७ गल्र्सको सहभागिता रहेको थियो ।