काठमाडौं (हाम्रो खेलकुद) – गणेशमान सिंहको स्मृतिमा गणेशमान सिंह फाउण्डेशन र वीर गणेशमान सिंह स्पोर्टस् कमिटिले वीर गणेशमान सिंह राष्ट्रिय लन टेनिस प्रतियोगिता कार्तिक ९ देखि १६ गते सम्म आयोजना गर्ने भएको छ ।

वीर गणेशमानको आदर्श, मुल्य, मान्यता र समग्र जीवन सन्देशलाई खेलकुद मार्फत नयाँ पुस्ता सम्म पु¥याउँदै विभिन्न खेलहरुको आयोजना गर्ने उद्धेश्य अनुरुप लन टेनिस पनि आयोजना गर्न लागिएको पत्रकार सम्मेलनमा जानकारी गराईयो । यसअघि एथलेटिक्स र बक्सिङ आयोजना गर्दै आईरहेकोमा यसपटक लन टेनिसलाई पनि समावेश गरिएको पत्रकार सम्मेलनमा जानकारी गराईयो ।

नेपाल टेनिस संघको प्राविधिक सहयोगमा संचालन हुने प्रतियोगितामा पुरुष एकल र युगल, महिला एकल र युगल, पुरुष ३५ बर्ष माथि, ४५ बर्ष माथि र ५५ बर्ष माथिको एकल र युगल तथा ६५ बर्ष माथिको एकल र जुनियर तर्फ यु – ८, ९, १०, १२, १४ र खुला छात्र तथा छात्राको विधामा करिव ४ सय खेलाडीहरुको सहभागिता रहने आयोजकले पत्रकार सम्मेलनमा जनाएका छन् ।

सातदोवाटोस्थित टेनिस कोर्टमा आयोजना हुने प्रतियोगिताको लागत करिव २० लाख रहेको आयोजकले जनाएको छ । जसमा शिर्ष तीन स्थान हात पार्ने खेलाडीहरुले पदक, प्रमाण पत्र र ट्रफीका साथ पुरुष तथा महिला एकल तर्फ शिर्ष तीन स्थान प्राप्त गर्नेले नगद ८० हजार, ४० हजार र २० हजार पाउनेछन् ।

युगल तर्फका शिर्ष तीनले ४० हजार, २० हजार र १० हजार, पुरुष एकल ३५ बर्ष माथिका शिर्ष तीनले नगद ४०, २० र १० हजार, युगलले २५, १५ र १० हजार, ४५ बर्ष माथि एकल तर्फका शिर्ष तीनले ३०, १५ र ५, युगल तर्फ २०, १०, १० हजार, ५५ बर्ष माथि एकलले २० हजार, १० हजार र ५ हजार तथा युगलमा १५ हजार, ७ हजार ५ सय र १० हजार, यस्तै ६५ बर्ष माथि एकलले १५ हजार, ७ हजार ५ सय र ५ हजार प्राप्त गर्ने छन् । यस्तै जुनियर विधामा विजयी खेलाडीहरुलाई गिफ्ट ह्याम्परबाट पुरस्कृत गरिने आयोजकले जनाएका छन् ।