काठमाडौं (हाम्रो खेलकुद) – अर्को महिना श्रीलंकामा हुने यू १९ एसिया कपको लागि नेपालले पनि तयारी सुरु गर्ने भएको छ । एसिया कपको तयारीका लागि नेपालले भने यसै साताबाट ट्यालेन्ट हन्ट कार्यक्रम गर्ने भएको छ ।
नेपाल क्रिकेट संघ (क्यान) का प्रमुख कार्य संचालन अधिकृत छुम्बी लामाले शनिबार जारी गरेको विज्ञप्तीमा देशका विभिन्न ६ शहरमा छनोट कार्यक्रम सञ्चालन गर्ने उल्लेख गरिएको छ । हरेक क्षेत्रिय क्रिकेट विकास समितिमा रहेका खेलाडीलाई प्रतिभा देखाउन उद्देश्यका साथ छनोट कार्यक्रम सञ्चालन गर्ने बताइएको छ । छ ठाँउका लागि अलग व्यक्तिलाई सम्पर्क व्यक्ति समेत तोकिएको छ । २०५५ साल भदौ १६ गते जन्मेका वा त्यो भन्दा पछि जन्मेका खेलाडीले मात्र यू १९ ट्यालेन्ट हन्ट कार्यक्रममा भाग लिन पाउनेछन् । कार्यक्रममा भाग भाग लिन दुई सय शुल्क तिर्नुपर्ने भने जन्मदर्ता र एसएलसीको प्रमाण पत्रको प्रतिलिपि पेश गर्नु पर्ने बताइएको छ ।
उमेर प्रमाणित गर्दा दोषी देखिए त्यस्ता खेलाडीलाई प्रतिबन्ध सम्म लगाउन सकिने बताएका छन् । पहिलो चरणबाट ४४ खेलाडी छनोट गरिने र ती खेलाडीलाई मंसिर ९ गतेबाट बन्द प्रशिक्षणमा राखिने बताएउको छ । यसअघि अन्तर्राष्ट्रिय यू १९ क्रिकेट प्रतियोगिता खेलिसकेको र त्यसको बन्द प्रशिक्षण रहिसकेका स्वतः पहिलो चरणको छनोटमा पर्ने मा सहभागि खेलाडी भने यसपटक बन्द प्रशिक्षणका लागि स्वतः छनोटमा पर्ने विज्ञप्तीमार्फत जानकारी दिइएको छ । राष्ट्रिय क्रिकेट टिमका मुख्य प्रशिक्षक जगत बहादुर टमाट्टा, यू–१९ राष्ट्रिय टोलीका प्रशिक्षक विनोद कुमार दास र राष्ट्रिय क्रिकेट टिमका टेक्निकल एनालिष्ट रमन सिवाकोटी रहेको ३ सदस्यीय समितिले ट्यालेन्ट हन्ट कार्यक्रम सञ्चालन गर्ने बताइएको छ ।

ट्यालेन्ट कार्यक्रमका लागि स्थान र सम्पर्क व्यक्तिहरु
विराटनगर – महेश रिजाल र प्रदीपराज पाण्डे
विरगञ्ज र जनकपुर– सुवास जैसवाल, उमेश उपाध्याय, प्रकाश शर्मा र नविन सिंह
काठमाडौं – सामसन जङ्ग थापा, मञ्जुर आलम खान र कलाम अलि
भैरहवा र पोखरा – जङ्गब हादुर थापा, शंकर राना, बसन्त शाही र रिजन प्रजु
नेपालगञ्ज – दिपेन्द्र प्रताप सिंह,जमलि अन्सारी
धनगढी र बैतडी – सुवास शाही ,विरेन्द्र शाही र किसन महत

ट्यालेन्ट हन्ट कार्यक्रम हुने स्थान, मिति (मैदान)
विराटनगर – मंसिर ३ गते (विराटनगर)
विरगञ्ज, जनकपुर – मंसिर ५,६ गते (विरगन्ज)
काठमाडौ – कार्तिक ३० र मंसिर १ गते (कीर्तिपुर)
भैरहवा, पोखरा – मंसिर ६ गते (भैरहवा)
नेपालगञ्ज – मंसिर ४ गते (नेपालगञ्ज)
धनगढी, वैताडी – मंसिर २ र ३ गते (धनगढी)