default_image

3 years ago

October 8, 2021

फुटसल लिगको उपाधि स्पोर्ट्स क्यासललाई

341 views

0 Bookmark

विजय नेपाली, पोखरा

स्पोर्ट्स क्यासल पोखराले पहिलो सस्करणको राष्ट्रिय ‘ए’ डिभिजन फुटसल लिगको उपाधि जितेको छ । शखंमुल फुटसललाई ४–२ ले हराउँदै स्थानिय टोली स्पोर्ट्स क्यासलले उपाधि जित्न सफल भएको हो ।

पोखरास्थित बहुउद्देश्यीय कभर्डहलमा शुक्रबार भएको फाइनलमा स्पोर्ट्स क्यासललाई च्याम्पियन बनाउन किशोर गुरुङले ह्याट्रिक पुरा गर्दा विजय गुरुङले एक गोल गरे । शंखमुलका लक्ष्मण थापमगर र मणि लामाले गोल गरेपनि उपाधि जित्न पर्याप्त बनेन ।

खेलको पाँचौ मिनेटमा विजय गुरुङले गोल गर्दै स्पोर्ट्स क्यासललाई १–० को अग्रता दिलाए । १०औं मिनेटमा लक्ष्मण थापामगरले गोल गर्दै खेललाई १–१ गोलको बराबरी ल्याए । २०औं मिनेटमा किशोर गुरुङले गोल गर्दे स्पोर्ट्स क्यासललाई २–१ को अग्रता दिलाए ।

२१औं मिनेटमा किशोर गुरुङले स्पोर्ट्स क्यासललाई ३–१ को अग्रता दिलाए । २२औं मिनेटमा मणि लामाले गोल गर्दाै शंखमुललाई ३–२ को अवस्थामा ल्याए । ३९औं मिनेटमा किशोर गुरुङले ह्याट्रिक पुरा गर्दै क्यासलाई ४–२ को जितसहित च्याम्पियन बनाए ।

शंखमुलले लगातार चौथो दिन चार खेल खेल्नुपर्दा फाइनलमा फाइनलमा स्पोर्ट्स क्यासललाई बलियो चुनौती पेश गरेपनि हार टार्न सकेन । फाइनलमा ह्याट्रिक पुरा गरेका किशोर गुरुङ प्लेयर अफ दि म्याच चुनिए । उनले ५ हजार रुपैयाँ हात पारे ।

राउन्ड रोविन लिगपछि शीर्षस्थानमा रहेर पहिलो क्वालिफायरबाट स्पोर्ट्स क्यासलले फाइनलमा स्थान बनाउँदा शंखमुल लिगमा तेस्रो स्थानमा रहँदै एलिमिनेटर र दोस्रो क्वालिफायर खेल्दै फाइनलमा पुग्न सफल भएको थियो । यि दुई टोलीले लिगमा २–२ गोलको बराबरी खेल्दै अंक बाँडेका थिए ।

लिगमा स्पोर्ट्स क्यासलले ११ खेल खेल्दा ९ जित, १ बराबरी र हारको नतिजा आत्मसात गरे । शंखमुलले १२ खेल खेल्दा ७ जित, ३ बराबरी र २ हारको नतिजा निकाल्यो ।

उपाधिसँगै स्पोर्ट्स क्यासलले १० लाख रुपैयाँ हात पारेको छ । दोस्रो भएको शंखमुलले ५ लाख रुपैयाँ प्राप्त गरेको छ । २ देखि २२ असोजसम्म पोखरामा भएको लिगमा देशभरका १० टोलीले प्रतिस्पर्धा गरेका थिए । अखिल नेपाल फुटबल संघ (एन्फा) ले लिगका लागि प्रदेश १, बागमती प्रदेश, गण्डकी प्रदेश र लुम्विनी प्रदेशमा छनोट प्रतियोगिता आयोजना गरेको थियो ।

प्रदेश १ बाट फुटसल फाइभ र दि राइजिङ क्लब धरान, बागमती प्रदेशबाट ढुकु फुटसल हब, शंखमुल फुटसल, प्रभातफेरि युथ क्लब र स्काइ गोल्स् रहेका थिए । गण्डकी प्रदेशबाट स्पोर्ट्स क्यासल, सविन मेमोरियल फुटसल क्लब र लुम्बिनी, कर्णाली र सुदुरपश्चिम प्रदेशबाट लुम्बिनी फुटसलले लिगमा स्थान बनाउँदा लुम्विनीकै झरना स्पोर्ट्स क्लब रुपेन्देहीले प्रदेश २ बाट प्रतिनिधित्व गर्ने अवसर पाएका थिए । लुम्बिनीका दुवै टोली नै रेलिगेसनमा परेका छन् ।

लिगको विंगर (एएलए–पिभोट), डिफेन्डर (फिक्सो), उदियमान खेलाडी, गोलरक्षक र प्रशिक्षकले समान २५ हजार पाउनेछन् ।

March 31, 2025

अस्ट्रेलियामा गल्कोट कप भलिबल हुँदै

सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]

March 30, 2025

झापा र बुटवल लुम्बिनीबीच पहिलो हाफ बराबरीमा

काठमाडौं (हाम्रो खेलकुद)- एनसेल एनएसएलमा झापा एफसी र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ। पहिलो हाफमा झापाले एकपक्षीय दबाब बनाए पनि बुटवलका गोल रक्षक दीप कार्कीको प्रभावशाली प्रदर्शनमा‌ झापाले गोल गर्न सकेन। दीप अक्सनमा अन सोल्ड हुँदा विस लिस्टबाट बुटवलले भित्राएको थियो। दशरथ रंगशालामा जारी खेलको पहिलो हाफमा झापाले […]

March 30, 2025

घरमै बलिङ मेसिन राखेर आफूलाई निखारेका किरण

भुपेन्द्र जि.सी गत वर्ष प्रधानमन्त्री कप एकदिवसीय राष्ट्रिय प्रतियोगितामा राम्रो गर्न नसकेको भए सुदुरपश्चिम प्रदेशका ब्याटर किरण ठगुन्नाको क्रिकेट करिअर समाप्त हुने पक्का जस्तै थियो । प्रदेशले नै उनलाई यो अन्तिम अवसर भनेर काठमाडौं पठाएको थियो । तर उक्त प्रतियोगिताको २ वर्ष नबित्दै किरणले नेपाल ए हुँदै सिनियर राष्ट्रिय टोलीको बाटो बनाएका छन् । सुदूरपश्चिमबाट […]

Success

Thank you for your time.