काठमाडौं (हाम्रो खेलकुद) – होङ्गान्जी न्यु डायमन्ड स्पोर्ट्स क्लबकी प्रतिभा माली र विभागीय त्रिभुवन आर्मी क्लबका ओपन स्पाइकर मानबहादुर श्रेष्ठ वाई वाई डाइनामाइट छैटौं एनभिए राष्ट्रिय महिला तथा पुरुष क्लब भलिबल च्याम्पियनसिपमा सर्वाेत्कृष्ट खेलाडी घोषित भएका छन् ।

प्रतिभा महिलातर्फ तथा मानबहादुर श्रेष्ठ पुरुषतर्फ सर्वाेत्कृष्ट खेलाडी बन्न सफल भएको हो । दुवै खेलाडीले आफ्नो टोलीलाई च्याम्पियन बनाउन महत्वपुर्ण भुमिका निर्वाह गरेका थिए । सर्वाेत्कृष्ट बनेसँगै उनीहरुले समान २५–२५ हजार रुपैयाँ हात पारेका छन् ।

व्यक्तिगत विधातर्फ महिलामा आर्मीकी शान्ति थारु र पुरुषमा हेल्प नेपालका विनित कुमार उत्कृष्ट स्पाइकर चुनिए । महिलामा एपीएफकी सरस्वती चौधरी तथा पुरुषमा हरि अधिकारी उत्कृष्ट ब्लकर चुनिए ।

महिलामा न्यु डायमन्डकी अरुणा शाही र पुरुषमा नेपाल पुलिस क्लबका इम बहादुर राना उत्कृष्ट सेटर चुनिए । महिलामा आर्मीकी संगम महतो र पुरुषमा आर्मीका दुर्गा बहादुर खड्का उत्कृष्ट सर्भर चुनिए । लिवेरोमा डायमन्डकी सलिना श्रेष्ठ तथा पुरुषमा एपीएफका विनोद चन्द भए ।

महिलामा न्यु डायमन्डका कुमार राई र पुरुषमा आर्मीका जगत सिंह उत्कृष्ट प्रशिक्षक चुनिए । व्यक्तिगत विधाका सबै उत्कृष्टहरुले समान १०–१० हजार रुपैयाँ हात पारे ।

च्याम्पियनसिपका सर्वाेत्कृष्ट

सर्वाेत्कृष्ट – प्रतिभा माली (महिला – न्यु डायमन्ड) र मानबहादुर श्रेष्ठ (पुरुष–आर्मी)

स्पाइकर – शान्ति थारु (महिला–आर्मी) र विनित कुमार (पुरुष – हेल्प नेपाल)

ब्लकर – सरस्वती चौधरी (महिला –एपीएफ) र हरि अधिकारी (पुरुष–आर्मी)

सेटर – अरुणा शाही (महिला – न्यु डायमन्ड) र इम बहादुर राना (पुरुष – पुलिस)

सर्भर – संगम महतो (महिला–आर्मी) र दुर्गा बहादुर खड्का (पुरुष–आर्मी)

लिवेरो – सलिना श्रेष्ठ (महिला – न्यु डायमन्ड) र विनोद चन्द (पुरुष –एपीएफ)

प्रशिक्षक – कुमार राई (महिला – न्यु डायमन्ड) र जगत सिंह (पुरुष–आर्मी)