एजेन्सी – शीर्ष वरीयताका सर्वियन टेनिस स्टार नोभाक जोकोभिचमाथि एकपक्षीय जित निकाल्दै रसियन डानिल मेदेभेदेव युएस ओपन टेनिसको च्याम्पियन बनेको छ ।

दोस्रो वरीयताका मेदेभेदेवले जोकोभिचलाई ३–० को सोझो सेटमा हराउँदै युएस ओपनको नयाँ च्याम्पियन बनेका हुन् । न्युयोर्कस्थित आर्थर आसे स्टेडियममा सोमबार बिहान भएको फाइनलमा मेदेभेदेवले शीर्ष वरीयताका जोकोभिचलाई कुनै पनि सेटमा खुलेर खेल्न दिएनन् ।

२५ वर्षीय मेदेभेदेवले जोकोभिचमाथि ६–४, ६–४ र ६–४ को सोझो सेटमा जित निकाल्दै आफ्नो करियरको पहिलो ग्रान्डस्लाम उपाधि उचालेका हुन् । मेदेभेदेवले पछिल्ला दुई ग्रान्डस्लाम फाइनल पुगेपनि उपाधिबाट वञ्चित बनेका थिए ।

यस वर्ष अष्ट्रेलियन ओपन, फ्रेन्च ओपन र विम्बल्डनको उपाधि जितेका ३४ वर्षीय जोकोभिचलाई कीर्तिमानी २१औं ग्रान्डस्लाम उपाधि जित्ने अवसर रहेपनि उनी फाइनलमा चुक्न पुगे ।

युएस ओपन जित्न सकेको भएका जोकोभिचले रोजर फेडेरर र राफेल नाडाललाई मुख्य उपाधिमा पछि पार्दै उनी सर्वाधिक ग्रान्डस्लाम जित्ने खेलाडी बन्ने थियो । तर, त्यसो हुन सकेन ।